16 Gusht 2022

Thaçi shkarkon edhe tre kryeshefë ekzekutiv të agjencive

Prishtinë, 13 prill - Kryeministri i Republikës së Kosovës, Hashim Thaçi, duke u mbështetur në kompetencat e tij sipas Kushtetutës së Republikës së Kosovës dhe ligjeve përkatëse, ka vendosur që të suspendojë nga detyra e Kryeshefit Ekzekutiv të Agjencisë Pyjore të Kosovës, Muzafer Luma, Kryeshefit Ekzekutiv të Entit të Statistikave të Kosovës, Avni Kastrati dhe Kryeshefin Ekzekutiv të Agjencisë Kadastrale të Kosovës, Hamit Basholli.

Vendimi për suspendimin e Luma është marrë pas konstatimit të përgjithshëm se në APK është treguar performansë e dobët në realizimin e detyrave dhe përgjegjësive të kërkuara.

Arsyet e vendimit ndërlidhen edhe me të dhënat e ofruara nga raporti i Auditorit të Përgjithshëm e që konsistojnë me vërejtje për aktivitete të prokurimit në kundërshtim me legjislacionin në fuqi, si dhe dhënie në shfrytëzim të tokës pyjore në kundërshtim me ligjin.

Në kuadër të APK-së janë vërejtur edhe mungesa e mbikëqyrjes dhe menaxhimit efikas të stafit të agjencisë, mospërfillje të vendimeve të Inspektoratit të Pylltarisë, mungesë efikasiteti në mbrojtjen dhe kontrollin e pyjeve, mos-realizim i planeve të ripyllëzimit dhe të rrallimeve para-komerciale të pyjeve si dhe dështim në parandalimin e prerjeve ilegale të pyjeve dhe mos-raportim real për prerjet ilegale.

Kryeministri Thaçi ka vendosur që të mos i vazhdohet kontrata Kryeshefit Ekzekutiv të Entit të Statistikave të Kosovës, Avni Kastrati. Vlerësimi negativ për punën e Kastrati ndërlidhet me shkeljet e vazhdueshme që janë evidentuar edhe në raportet e Auditorit të Përgjithshëm, përfshirë vërejtjet për aktivitete të dyshimta të prokurimit, në kundërshtim me legjislacionin në fuqi. Në përgjithësi, Kastrati ka dështuar në menaxhimin efikas të Entit të Statistikave të Kosovës dhe nuk a arritur rezultatet e kërkuara.

Gjithashtu, Kryeministri Thaçi ka vendosur që të shkarkojë nga detyra edhe Kryeshefin Ekzekutiv të Agjencisë Kadastrale të Kosovës, Hamit Basholli, si pasojë e rezultateve të dobëta në punën e kësaj agjencie, si dhe mos-menaxhimit efikas të saj.

Vendimet e sotme bazohen në dëshmitë e bazuara të ofruara në Zyrën e Kryeministrit në lidhje me performansën e zyrtarëve të suspenduar, si dhe në rezultatet e punës së agjencive përkatëse. Vendimet janë pjesë e angazhimeve në kuadër të rritjes së efikasitet në punën e këtyre agjencive, me qëllim të fuqizimit të qeverisjes së mirë, sundimit të ligjit, rritjes së transparencës, si dhe në frymën e luftës kundër korrupsionit dhe krimit të organizuar.

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)