27 Shtator 2022

Studentët e UBT-së të gatshëm për ide të reja për biznese

Prishtinë, 13 maj - “Organizimin e ahengjeve, hapje të shtëpive private për të moshuar,  si dhe hapja e një dyqani special për shitje të produkteve ushtarake siç janë flamuj, kapela, veshmbathje por jo edhe armë”, këto biznese i mungojnë Kosovës thanë studentët e UBT gjatë prezantimit të biznesplanet  e tyre në UBT.

 Për të hapur një biznes duhet punë dhe sakrificë e madhe, mirëpo edhe ide për llojin e biznesit.

Për të dhënë ide rreth bizneseve të reja e që në vendin tonë nuk funksionojnë studentët e Universitetit për Biznes dhe Teknologji kanë paraqitur plane pikërisht për këtë.

Sipas studentëve të UBT-së shumë biznese nuk funksionojnë në Kosovë sepse nuk ekziston një plan i qartë i biznesit .

Ata me planet e tyre kanë paraqitur organizimin e ahengjeve, pastaj hapje të shtëpive private për të moshuar dhe dyqane që shërbejnë në shitje të produkteve ushtarake e shume plane të tjera.

Gjatë prezantimit të planeve të biznesit para profesorit të lëndës përkatëse,  Engelbert Selenko dhe disa antarëve të komisionit  si prof Edmond Hajrizi dhe disa profesor austriak dhe vendorë.

Vendin e parë e zuri projekti “Magic  Moments" (Momentet Magjike) që për qëllim kishte organizimin e ahengjeve , projekt në të cilën kanë punuar studentët Mimoza Haliti, Diellza Ademi , Qendresa Sylejmani , Shpresa Zeka , Albina Rrahmani , Erza Dina.

Një prej fituesve të këtij projekti Mimoza Haliti  thekson se në këtë Biznes plan kanë punuar dy semestra të vitit akademik.

“Biznes plani parasheh hapjen e një kompanie që bënë organizimin e ahengjeve nga fillimi deri në fund. Kemi bërë anketa me kompani të ndryshme që merren zakonisht me dekorimin e ambientit të ahengjeve dhe kuptuam se ata e bëjnë këtë biznes vetëm pse duhet të merren me diçka dhe jo pse konsumatorët kanë nevojë të madhe.

Kurse konsumatorët ishin shumë të interesuar të ketë një biznes të kësaj natyre sepse kanë shumë kërkesa dhe dëshira që askush nuk mund ti realizoj, thotë Mimoza Haliti

Ndërkohë  edhe Albina Rrahmani  pohon se ky plan parasheh në detaje organizimin e dasmave, mbrëmjet e  maturës , ceremoni diplomimi, ditëlindjeve , syneti , përvjetorë të rëndësishëm etj.

“Ne ofrojmë mbulesa të tavolinave dhe karrigeve me ngjyra të ndryshme , dekorime të veturave , tavolinën e nuses dhe dhëndrit , fjongo të ndryshme , dekorim  të çokollatave , qirinjët,  ballonat ,unazat dhe porta të zbukuruara “ tha Rrahmani.

Ide të tjera siç është plani i hapje të shtëpive private për të moshuar, si dhe hapja e një dyqani special për shitje të produkteve ushtarake siç janë flamuj,kapela, veshmbathje por jo edhe armë.
 
Këto  plane të biznesit  mund  të shitën të ndonjë partner që dëshiron të hapë një biznes të tillë sidomos biznesin për organizmin e ahengjeve.” Nëse pas studimeve nuk kyçemi në biznese familjare ne si grup do fillojmë më këtë biznes për organizmin e ahengjeve, objektin e kemi të gatshëm që na ka dhuruar prindi i koleges sonë Albinës , objekti është të Liqeni i Batllavës i plotëson të gjitha kushtet për realizimin e planit, por nëse nuk fillojmë më këtë biznes ne kemi menduar ta shesim planin e biznesit ”, tha  Qendresa Sylejmani

Nga ana tjetër rektori i UBT-së Edmond Hajrizi ndër të tjera tha se studentët e këtij Universiteti janë ardhmëria e vendit, dhe se lirisht mund të krahasohen me studentet e universiteteve më të forta krejt kjo fal punimeve të shkëlqyera të plan bizneseve që mund të qarkullojnë mjaft mirë në tregun e Kosovës.

Për tre grupet  fituese UBT  ndau certifikata.
 

Kalendari

Ngjarjet e datës 27 shtator 2022  - Ministria e Mbrojtjes dhe FSK organizon Konferencën Vjetore Ndërkombëtare “FSK dhe partnerët 2022”. (Hotel Emerald, ora 9:00)

- Shoqata e Grave në Sektorin e Energjisë së Kosovës me përkrahjen e zyres se Presidentes dhe parnerëve ndërkombëtar organizon Konferencën e parë Rajonale “Energjia & Gratë”. (Hotel Emerald, ora 9:00)

- Komisioni për Çështje të Sigurisë dhe Mbrojtjes shqyrton Projektligjin për Sigurinë Kibernetike, Projektligjin për Mbrojtjen e Informacionit të Klasifikuar, etj. (Ndërtesa e Kuvendit, salla C203, ora 10:00)

 - Koalicioni 27, grupi i organizatave të shoqërisë civile publikojnë raportin “Shkatërrimi ekologjik – Koha të veprojmë”. (Hotel Swiss Diamond, ora 10:00)

- Me rastin e Ditës Ndërkombëtare për Lirinë e Informimit, Agjencia për Informim dhe Privatësi mban konferencë kryetarët e Gjykatave si dhe Prokurorët e Prokurorive të Republikës së Kosovës. (Hotel Emerald, ora 10:15)

-  Komisioni për Ekonomi, Industri, Ndërmarrësi dhe Tregti diskuton mbikëqyrjen e zbatimit të Rekomandimeve të Kuvendit lidhur me auditimin e performances të ndërmarrjes publike KOSTT SH.A. (Ndërtesa e Kuvendit, salla N10, ora 11:00)

- Këshilli i Prindërve të Shkollës Fillore të Mesme të Ulët “Naim Frashëri”, Prishtinë organizon një protestë për të shprehur shqetësimet lidhur me prolongimin e fillimit të mësimit për vitin akademik 2022/2023. (Shkolla fillore "Naim Frashëri" në Prishtinë, ora 12:10)

- Lidhja Demokratike e Kosovës mban konferencë për medie lidhur me grevën në sektorin publik. (Selia qendrore e LDK-së, ora 11:00)

- Instituti Demokraci për Zhvillim organizon sallonin e radhes me temë “Dhuna online ndaj grave në politikë: Çfarë masa mund të ndërmarrim?”. (Libraria Dukagjini, ora 17:00)

- KFOR i udhëhequr nga NATO do të zhvillojë stërvitjen “Golden Sabre”. (Zona stërvitore të Camp Novo Selo)