02 Tetor 2022

Shpërndarja e faturave të tatimit në pronë për vitin 2010

Prishtinë, 11 maj - Ministria e Ekonomisë dhe Financave njofton se ka përfunduar kalkulimi, shtypja e faturave të tatimit në pronë për vitin 2010 dhe shpërndarja e tyre. Edhe në këtë vit printimi dhe shpërndarja e faturave është bërë nga PTK, për arsye të kursimit të buxheteve komunale.

Për të gjitha komunat të cilat kanë implementuar tatimin në pronë dhe mbledhin të hyra nga ky lloj i tatimit do të lëshohen mbi 423,000 fatura tatimore, vlera e përgjithshme e të cilave është  15,329,923 €.

Departamenti i Tatimit ne Pronë këtë vit tatimorë ka arritur të bëjë ndarjen e faturave nga komunat e tyre amë për tri komunat e reja: Graçanicë, Ranillug dhe Kllokot, si dhe ti kalkulojë dhe ti shpërndajë ato.

Deri më tani kemi arritur ta bëjmë shpërndarjen e faturave tatimore në të gjitha komunat e mëdha ose një llogaritje e përgjithshme rreth 80% në 33 komunat të Kosovës.

Numri i faturave këtë vit është më i madh në secilën komunë dhe programi ka prodhuar fatura edhe për pronat që kanë borxh nga vitet e kaluara, por që nuk kanë tatim për vitin aktual.

Shkaku i angazhimeve në përsosjen e programit të tatimit në pronë dhe disa çështjeve administrative  është vonuar procesi i shpërndarjes së faturave në afatin e përcaktuar me ligj, i cili ka qenë 30 Prilli.

Duke u bazuar në ligj i cili e lejon shtyrjen e afatit, Ministria e Financave vetëm për vitin tatimor 2010, ka marrë vendim që:

    * Të shtyhet afati i shpërndarjes së faturave dhe
    * Afati i pranimit të ankesa të zgjatet deri më 30 Maj, ndërsa tatimpaguesit përgjigjet do ti marrin deri më 31 Korrik

Qytetaret njoftohen se mospranimi i faturës nuk e liron nga pagesa e tatimit ne pronë dhe për këtë ata duhet te shkojnë në zyrën komunale të tatimit në pronë për faturat e tyre.

Nëse tatimpaguesit janë te pakënaqur me matjet e pronës se tyre e cila i nënshtrohet tatimit apo me vlerësimin e pronës se tyre, atëherë ata mund ti drejtohen komunës duke parashtruar ankesë e cila duhet te shqyrtohet brenda një afati prej 30 ditësh. Format për parashtrimin e ankesës mund te merren ne zyrat komunale të tatimit në pronë.

Është evidente gjendja aktuale e të gjitha komunave, ku shihen shumë përmirësime të bëra dhe  projekte të ndryshme të realizuara që kanë përmirësuar dukshëm jetën e qytetarëve dhe tani ata gëzojnë një infrastrukturë të përgjithshme më të mirë, të cilat janë bërë të mundshme nga mjetet e mbledhura nga tatimi në pronë.

Kalendari

Ngjarjet e datës 3 tetor 2022

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i ZyrÑ‘s pÑ‘r Qeverisje tÑ‘ MirÑ‘, Ahmet Kryeziu - Drejtor i Sawe the Children pÑ‘r KosovÑ‘, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)