05 Shkurt 2023

SHBA: Ekonomia vazhdon të humbë vende pune

Washington, 3 korrik - Dy raporte ekonomike të publikuara sot nga qeveria amerikane ngjallën dyshime rreth fuqisë së rigjallërimit ekonomik në Shtetet e Bashkuara. Porositë për bizneset amerikane ranë 1,4 përqind në muajin maj, ndërkohë që ky sektor kishte qenë më parë një nga pikat më të forta të ekonomisë.

 

Ndërkohë, ekonomia amerikane humbi 125,000 vende pune në muajin qershor.

Presidenti Obama thotë se ekonomia po ecën në drejtimin e duhur megjithë raportin që flet për rënien e vendeve të punës në qershor, e cila e çon nivelin e papunësisë në 9,5 përqind. Presidenti i bëri komentet në Bazën Ajrore Andrews përpara se të nisej për në Virxhinian Perëndimore për të marrë pjesë në shërbimin përkujtimor për nder të senatorit  Robert Byrd.

Niveli i punësimit shihet si kyç për shpenzimet e konsumatorëve, që nga ana e tyre kanë rëndësi kritike për rigjallërimin e ekonomisë. Por papunësia vazhdon të jetë e lartë dhe shitjet e shtëpive po ecin ngadalë.

"Shtëpitë dhe vendet e punës janë dy probleme paralele kur bëhet fjala për rigjallërimin ekonomik", thotë eksperti Matt Miller.

Veçanërisht bizneset e vogla vazhdojnë të rriten ngadalë.

"Punonjësit e mij janë të nervozuar, janë edhe të trembur," thotë Bill Begal.

Ekonomistët shpresojnë që rigjallërimi të vijë fillimisht te biznesi i madh e pastaj te bizneset më të vogla.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)