19 Gusht 2022

Shala: jemi të interesuar që fondi i privatizimit të kthehet në Kosovë

Prishtinë, 17 qershor - Ministri i Ekonomisë dhe Financave (MEF), Ahmet Shala, në seancën plenare të Kuvendit të Kosovës, pas pyetjes që i bëri deputetja Mimoza Ahmeti, e cila kërkoi sqarim nga ministri Shala se cilat janë mekanizmat për kthimin e këtyre mjeteve për investim në vend, deklaroi se janë duke mbajtur takime të rregullta me përfaqësuesit e Zyrës Civile Ndërkombëtare në Kosovë (ICO), që të gjejnë një zgjidhje për kthimin e mjeteve të privatizimit dhe të Trustit pensional për investime në ekonominë e Kosovës.

“Të gjithë jemi të interesuar që mjetet të kthehen dhe të investohen në Kosovë. Takimet me ICO-në janë të përditshme në mënyrë që të gjejmë forma për kthim apo investim të këtyre parave në vend”, tha ministri Shala.

Sipas tij, këto mjete janë investuar jashtë vendit në bazë të pakos së Ahtisaari-t. Megjithatë, ai tha se është duke u punuar në hartimin e legjislacionit dhe me Bankën Qendrore të Kosovës (BQK), që të mundësohet kthimi i mjeteve dhe të investohen në ekonominë e Kosovës.
 

Kalendari

Ngjarjet e datës 19 gusht 2022 - Kryetari i Komunës së Mitrovicës, Bedri Hamza nënshkruan marrëveshje bashkëpunimi me Shoqatën Bamirëse “Jetimat e Ballkanit” për ndërtimin e Qendrës Kryesore të Mjekësisë Familjare në Mitrovicë. (Hotel Palace në Mitrovicë, ora 10:00)

= Mbahet ceremonia solemne e vënies se gurthemelit të ndërtesës së re të Qendrës Kryesore të Mjekësisë Familjare “Dr.Nexhat Çuni” tek ish objekti i KRU “Mitrovica”. (Rruga “Bislim Bajgora” Mitrovicë, ora 12:00)