08 Shkurt 2023

Sektorë të ekonomisë amerikane po rriten me shpejtësi

SHBA, 6 prill - Dy raporte të publikuar sot tregojnë se disa sektorë kyç të ekonomisë amerikane janë rritur me shpejtësi ndërkohë që ekonomia më e madhe e botës po e merr veten nga recesioni, më i rëndi në dekada.

Sektori i shërbimeve, që shërben si barometër për një pjesë të madhe të ekonomisë, u rrit në muajin mars me ritmin më të shpejtë në afro katër vjet.

Një organizatë biznesi e quajtur Instituti për Meaxhimin e Ofertës, njofton gjithashtu se treguesi i saj për aktivitetin e biznesit u rrit për të tretin muajin me radhë. Edhe një raport mbi sektorin e shtëpive ishte optimist.

Shoqata Kombëtare e Agjentëve Imobiliarë njoftoi se shitjet e shtëpive të cilat kanë patur të paktën një pronar u rritën me shpejtësi në muajin shkurt.

Ekonomistët e vëzhgojnë nga afër këtë raport sepse këto lloj banesash përbëjnë pjesën më të madhe të tregut imobiliar dhe për shkak se ishin problemet në këtë sektor që u bënë shkak për recesionin.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)