05 Korrik 2022

Sarkozi: “Euro nuk ka vlerë, nëse Greqia dështon”

Paris, 8 mars - Franca është një nga vendet më të fuqishme ekonomikisht në Europë dhe një fjalë e saj ka vlerë të madhe, veçanërisht kur vjen nga Presidenti i vendit  Nicolas Sarkozi.

 

Ai nuk është prononcuar shpesh në lidhje me krizën greke, duke ia lënë Gjermanisë rolin kryesor, por një ditë më parë, Sarkozi ka bërë një deklaratë interesante për krizën në Greqi dhe pasojën që ajo mund të ketë për monedhën europiane.

“Franca do ta mbështesë Greqinë dhe përpjekjet e saj për të reduktuar shifrën e lartë të deficitit buxhetor dhe nuk ka ndërmend që të shohë një vend se si “merr anën”. Nëse krijuam euron, monedhën e përbashkët, nuk mund ta lëmë një vend që të shkojë në falimentim, për më tepër një vend që është në Eurozonë. Përndryshe nuk do të kishte kuptim edhe vetë krijimi i euros”, ka deklaruar Sarkozi në një takim të bërë dje. “Ne duhet ta mbështesim Greqinë, sepse ata po bëjnë përpjekjen e tyre, ose përndryshe nuk do të ketë më euro”, ka shtuar shefi i Elizesë.

Kryeministri grek, Papandreu, po bën një turne ndërkombëtar në disa vende të Europës, për të përfunduar në Shtetet e Bashkuara në mënyrë që të mbledhë mbështetje për situatën në të cilën ndodhen financat në vendin e tij. Të premten është takuar me kancelaren Merkel në Gjermani, ku ka marrë në përgjithësi mbështetje, por jo siguri për ndihmë të mundshme financiare.

Për sa i takon zyrtarëve francezë, edhe ata bënë të ditur se Greqia nuk ka nevojë për një ndihmë financiare në këto momente, por Presidenti Sarkozi e bëri të qartë që Parisi do ta ndihmonte Greqinë, nëse ajo nuk do të arrinte që të dilte e vetme nga kriza. “Euro nuk do të kishte kuptim nëse nuk do të kishte solidaritet mes nesh”, ka vazhduar Sarkozi.

Megjithatë ai ka shprehur një mendim që nuk është i artikuluar në ndonjë politikë apo hap konkret për t’u ndërmarrë e aq më tepër në ndonjë shifër. Deri më tani, të gjitha vendet e tjera të Eurozonës po presin se në ç’mënyrë do t’ia dalë Athina e vetme uljes së deficitit buxhetor.

 

Asnjë nga vendet e zonës nuk ka premtuar për ndonjë ndihmë në para, ndërkohë që Gjermania është shprehur tërësisht kundër një hapi të tillë.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)