01 Dhjetor 2022

Safet Gërxhaliu, kryetar i OEK-ut

Prishtinë, 2 prill - Pas emërimit të Besim Beqajt në krye të Ministrisë së Integrimeve Evropiane, Odën Ekonomike të Kosovës do ta udhëheqë Safet Gërxhaliu, nënkryetar i deritashëm i këtij asociacioni. Ai do të jetë ushtrues detyre derisa të merret një vendim përfundimtar nga strukturat e këtij asociacioni.

Nënkryetari i Odës Ekonomike të Kosovës, Safet Gërxhaliu, do ta zëvendësojë kryetarin e deritashëm Besim Beqajn, derisa të merret vendim përfundimtar nga këshilli drejtues dhe kuvendi i Odës. Kështu njoftoi sekretari i përgjithshëm i OEK-ut, Berat Rukiqi, duke sqaruar edhe hapat e mëtejshëm.

"Ne do të konsultohemi me anëtarët e Këshillit Drejtues dhe me anëtarët e Kuvendit dhe do ta hartojmë një plan për ta shikuar mundësinë që kjo të rregullohet në kuadër të ndryshimeve të reja që kanë ndodhur këtu. Besoj që z.Gërxhaliu me mjaft kompetencë do t'i udhëheq detyrat që ka si kryetar i OEK-ut", thotë Rukiqi.

Ai thekson se shumë shpejt do ta organizojnë mbledhjen e këshillit të përgjithshëm, ndërkaq për mbledhjen e kuvendit nevojiten përgatitje shtesë. Por kjo nuk do të ndikojë në punën e OEK-ut, pasi është krijuar një ekip që ka udhëhequr të gjitha proceset në këtë asociacion , shprehet Rukiqi.

"Oda ka pasur një ngritje të vazhdueshme vitet e fundit nën udhëheqjen e këtij ekipi do ta vazhdojmë punën dhe besoj që nuk do të ketë ngecje në aktivitetet tona", shprehet Rukiqi.

Gërxhaliu ka qenë drejtor për bashkëpunim ekonomik ndërkombëtar, e më pas nënkryetar në këtë asociacion që ka rreth 15 mijë anëtarë. Ndërkohë, qeveria duhet të gjejë zëvendësim edhe për kryetar të Bordit të Trustit të Kursimeve Pensionale, të cilin post e udhëhiqte Beqaj.

Kalendari

Ngjarjet e datës 1 dhjetor 2022

- Komisioni për Shëndetësi dhe Mirëqenie Sociale shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, për fushat që janë në fushëveprim të Komisionit. (Ndërtesa e Kuvendit, salla N302, ora 9:00)

- Ne kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë organizon hapjen e Qendrës Mobile për testim me ç’ rast Kryetari i Prishtinës, Përparim Rama bashkë me Drejtorin e Shëndetësisë Izet Sadiku do të vizitojnë këtë qendë. (Sheshi Zahir Pajaziti, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesat buxhetore të institucioneve që i raportojnë Komisionit, lidhur me Projektligjin mbi ndarjet buxhetore për Buxhetin e Republikës së Kosovës për vitin 2023. (Ndërtesa e Kuvendit, salla N10, ora 11:00)

- Drejtoria e Shëndetësisë në Komunën e Prishtinës organizon një panel diskutimi me temë “Barazia - Dita Botërore e HIV/AIDS” me akterët relevant të kësaj teme. (Salla e amfiteatrit në objektin e Qendrës së Studenteve, ora 12:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston dëshmitare nga ZRRE për periudhën 2013-2017 dhenga KEK për periudhën 2018-2022. (Ndërtesa e Kuvendit, salla N204, ora 13:00)

- Kolegji AAB organizon ceremoninë e ndarjes së Çmimit Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, zonjës Doris Pack. (Teatrin AAB “Faruk Begolli”, ora 15:00)

- Kolektivi Për Mendim dhe Veprim Feminist organizon protestë për të kërkuar që vrasjet e grave nga burrat të trajtohen si urgjencë kombëtare. (Sheshi Zahir Pajaziti, ora 16:00)

- Galeria 17 organizon hapjen e ekspozitës "In the making", nga Yll Xhaferi dhe DYVO. (Galeria 17, ora 18:00)

- Mbahet hapja solemne e Festivalit Ndërkombëtar të Filmit “Art Without Limit International Film Festival” edicioni i 3 -të. (Kino Armata, ora 19:00)