28 Mars 2024

Rafuna priti Ambasadorin e Turqisë, biseduan për rritjen e bashkëpunimit ekonomik

Prishtinë, 14 shtator - Kryetari i Odës Ekonomike të Kosovës, Lulzim Rafuna, priti sot Ambasadorin e Republikës së Turqisë në Kosovë, Çağri Sakar, me të cilin bisedoi për bashkëpunimin mes bizneseve të dy vendeve dhe mundësive për rritjen e këtij bashkëpunimi.

Kryetari Rafuna u shpreh i kënaqur me trendin pozitiv të bashkëpunimit ekonomik mes dy vendeve dhe u zotua për të kërkuar rrugë të reja për rritjen e investimeve të huaja direkte në vendin tonë.

“I vlerësojmë investimet e bizneseve turke si dhe përkrahjen dhe interesimin e vazhdueshëm për bizneset kosovare“, u shpreh Kryetari Rafuna.

Në takim u vlerësua edhe përmirësimi i eksportit të produkteve kosovare drejt shtetit të Turqisë, duke respektuar punën dhe suksesin e biznesit vendor ndër vite.

Duke parë Kosovën si vend strategjik dhe me potencial të madh, Kryetari Rafuna dhe Ambasadori Sakar u zotuan për rritjen e një bashkëpunimi të qëndrueshëm në të mirë të ekonomisë vendore.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)