16 Gusht 2022

Qeveria ndihmon Komunën e Lipjanit

Lipjan, 22 qershor - Sot në Komunën e Lipjanit u firmos Marrëveshja e Bashkëfinancimit  për ndërtimin e kanalizimit fekal, në rrugën “Haxhi Kleçka” të kësaj komune.

Marrëveshja u nënshkrua në mes të Zyrës për Çështje të Komuniteteve në Zyrë të Kryeministrit, Ministrisë për Komunitete dhe Kthim, dhe Komunës së  Lipjanit.

Nënshkruesit e marrëveshjes trepalëshe ishin këshilltari i lartë i Kryeministrit, njëherit edhe drejtori i Zyrës për Çështje të Komuniteteve, Srdjan Sentic, zëvendësministri për Komunitete dhe Kthim Ismet Hashani dhe kryetari i Komunës së Lipjanit, Shukri Buja.

Ky projekt është një zgjidhje e problemit për banorët e kësaj lagjeje që ballafaqohen me ujërat fekale, ndërsa  përfitues do jenë mbi 15 familje të komuniteteve të ndryshme që jetojnë në atë pjesë të qytetit. Njëherit, implementimi i këtij projekti  do të ndikojë direkt në përmirësimin e infrastrukturës, ambientit dhe ngritjes së nivelit të jetesës në Komunën e Lipjanit.

Kosto totale e këtij projekti është 20,709 euro. Ndërkaq, sa i përket kontributeve të palëve në financimin e projektit, Zyra për Çështje të Komuniteteve në Zyrë të Kryeministrit, konform marrëveshjes së projektit do të financojë 10,709 euro, ndërsa pjesa tjetër financohet nga Ministria për Komunitete dhe Kthim.

Zyra për Çështje të Komuniteteve është e angazhuar që të përkrah edhe më tutje projekte në çështjet e zgjidhjes së problemeve të ndryshme sociale dhe atyre që ngritin nivelin e jetesës së të gjitha komuniteteve të Kosovës.
 

Kalendari

Ngjarjet e datës 16 gusht 2022

- Ministria e Administrimit të Pushtetit Lokal organizon debatin publik për të prezantuar dhe diskutuar rreth draft Strategjisë Kombëtare dhe Planit të Veprimit për Menaxhimin dhe Kontrollin e Qenve me dhe pa Pronar 2022-2028. (Amfiteatri i Qeverisë në ish ndërtesen e Rilindjes, ora 9:00)

- Kryetari i Partisë Demokratike të Kosovës, Memli Krasniqi, do të takojë Presidentin e Republikës së Shqipërisë, Bajram Begaj. (Kuvendi i Kosovës, Salla N204, ora 9:00 - Mediat mund të marrin pamje në fillim të takimit)

- Komuna e Rahovecit organizon degjim publik me biznese dhe grupe te interesit për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 11:00)