11 Gusht 2022

Qeveria miraton projektligjin për Bankën Qendrore

Prishtinë, 12 mars - Qeveria në mbledhjen e sotme miratoi projektligjin për Bankën Qendrore të Republikës së Kosovës.

Ministri i ekonomisë dhe financave, Ahmet Shala tha se ky projektligj do të ndikojë në forcimin e mëtejshëm të rolit dhe përgjegjësisë së Bankës Qendrore, në arritjen dhe ruajtjen e stabilitetit të sektorit financiar, në kontributin e rritjes dhe ruajtjes së stabilitetit të çmimeve vendore dhe në mbështetjen e politikave të përgjithshme ekonomike të qeverisë së Kosovës.

Ministri i ekonomisë dhe financave, Ahmet Shala tha se projektligji i Bankës Qendrore të Republikës së Kosovës është projektligj modern, dhe përmban të gjitha elementet e nevojshme të legjislacionit, në përputhje me traktatin e Komisionit Evropian, si dhe statutin e sistemit evropian të Bankave Qendrore.

“Ky draftligj për BQK-në do të ndikojë në forcimin e mëtejshëm të rolit dhe përgjegjësisë së Bankës Qendrore, në arritjen dhe ruajtjen e stabilitetit të sektorit financiar, në kontributin e rritjes dhe ruajtjes së stabilitetit të çmimeve vendore dhe në mbështetjen e politikave të përgjithshme ekonomike të qeverisë së Kosovës”, tha Shala.

Sipas ministrit Shala, ky projektligj mundëson krijimin e bazës ligjore edhe për nxjerrjen e ligjeve tjera nga lëmi i financave, respektivisht sistemi financiar, me të cilin do të kompletohet korniza ligjore për ndërtimin dhe zhvillimin e sistemit bankar dhe atij të sigurimeve.

Ndërkohë, ai paralajmëroi se gjatë këtij viti qeveria do të angazhojë institucione të rëndësishme ndërkombëtare për matjen e rejtingut të Kosovës, si dhe do të fillojë emetimin e bonove të thesarit.

Me projektligjin e BQK-së përcaktohet edhe mënyra e përcaktimit të bordit të drejtorëve, të bordit ekzekutiv, mënyra e dhënies apo revokimit të licencave për bankat, si dhe metodat e intervenimit në raste emergjente kur ndonjë bankë komerciale mund të ketë vështirësi. Ky projektligj pas miratimit nga qeveria do t’i dërgohet parlamentit për miratim.

Ndryshe, qeveria ka miratuar edhe ligjin mbi huan, kurse sivjet do të procedojë edhe ligjin mbi bankat komerciale. 

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)