16 Maj 2022

PD: korrupsioni duhet të parandalohet, pastaj të luftohet

Prishtinë, 16 maj - Partia e Drejtesise (PD) konsideron që korrupsioni duhet para së gjithash të parandalohet dhe pastaj të luftohet pa ndërprerë dhe me vendosmëri.

Nenkryetari i partisë Amir Ahmet ka deklaruar se PD vlerëson se është koha e fundit që këso veprime kriminele, të huaja për sistemin e vlerave tradicionale të vendit, të parandalohen dhe të çrrënjosen me veprime të vendosura institucionale.

Në këtë aspekt sipas tij PD konsideron se nuk mund të ketë parandalim dhe çrrënjosje të korrupsionit në vend në rast se lejohet vazhdimi i degradimit të vlerave morale të shoqërisë dhe mosfunksionimi i shtetit ligjor.

Në këtë drejtim Ahmeti ka thënë së PD në mënyrë të përsëritur kërkon nga institucionet e vendit:

   1. Ndërmarrjen e masave për ruajtjen e shëndetit moral të popullatës, veçanërisht të rinisë sonë dhe ndërprerjen e degradimit të vlerave etike dhe morale të shoqërisë.
   2. Ngritjen e kapaciteteve njerëzore dhe profesionale të prokurorisë së vendit përfshirë shkallën e domosdoshme të sigurisë si dhe kompenzimin adekuat material.
   3. Reformimin e gjyqësorit dhe freskimin e tij me kuadro të reja, profesionale dhe pa hipoteka të së kaluarës.
   4. Fuqizimin e rolit të Agjencionit Antikorrupsion dhe ruajtjen e paanësisë së tij.
   5. Fuqizimin e mediave dhe të shoqërisë civile si mekanizma fundamental për parandalimin dhe çrrënjosjen e korrupsionit në vend.

Po ashtu PD ka vlerësuar se zgjedhjet e shpallura nga presidenti i një shteti tjeter për tu mbajtur në territorin e Republikës së Kosovës nuk guxojnë të mbahen

"Partia e Drejtësisë  kundërshton ashpër organizimin dhe mbajtjen e zgjedhjeve lokale në  veriun e vendit, në kundërshtim të plotë me dispozitat Kushtetutës së Republikës së Kosovës dhe konsideron se ato duhet të parandalohen pa asnjë alternativë", ka thënë Ahmeti.

Me këtë rast sipas tij Partia e Drejtësisë kërkon nga bartësit e institucioneve të vendit si dhe nga zyrtarët e lartë ndërkombëtar që në mënyrë strikte të respektojnë kushtetutshmërinë dhe ligjshmërinë e vendit dhe të pengojnë anarkin ligjore në vend të cilën me siguri se do ta shfrytëzojë krimi i organizuar. Me lejimin e mbajtjes së këtyre zgjedhjeve institucionet e vendit do të dëshmojnë mosgatishmëri të plotë për zbatimin e Kushtetutës së vendit.



 

Kalendari

Ngjarjet e datës 16 maj 2022

- Akademia Diplomatike e Ministrisë së Punëve të Jashtme dhe Diasporës, në bashkëpunim me Friedrich Ebert Stiftung, hapin nesër në Pejë edicionin e 8-të të Shkollës Diplomatike Verore. (Hotel Dukagjini në Pejë, ora 9:00)

- Kryetari i Kuvendit të Republikës së Kosovës, Glauk Konjufca, viziton familjen e veprimtarit Ukshin Hoti. (Krushë e Vogël, ora 9:50)

- Mbahet mbledhja e Qeverisë së Kosovës, e cila do të udhëhiqet nga Zëvendëskryeministri i Parë i Republikës së Kosovës për Integrim Evropian, Zhvillim dhe Dialog, Besnik Bislimi. (Ndërtesa e Qeverisë, ora 10:00‪)

- Konstituohet  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës. (Ndërtesa e Kuvendit, salla N204, ora 10:00)

- ECIKS organizon ngjarjen përmbyllëse të programit Access - “Qasja në Treg dhe Shërbimet e Digjitalizimit për Bizneset Kosovare”, program ky i cili përgjatë katër viteve pati për qëllim të lehtësojë zhvillimin dhe transformimin digjital në sektorin privat dhe publik në Kosovë. (Hotel Emerald, ora 10:00)

- Në kuadër të Ditëve të Gjuhës Gjermane në Kosovë, Goethe Zentrum hap dyert për të gjithë të interesuarit për tu njoftuar me ofertart e tyre. (Goethe Zentrum në Prishtinë, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me ekspertin e angazhuar nga UN Women lidhur me përfundimin e draftligjit për mbrojtje nga dhuna në familje dhe dhuna në baza gjinore. (Ndërtesa e Kuvendit, salla N302, ora 11:00)

- OJQ Aktiv ka kënaqësinë t'ju ftojë në promovimin e ueb faqes “Miqësia Serbo-Shqiptare”. (Qendra e Energjisë Qytetare në Mitrovicë, Mbreti Petri I, 183a, ora 11:00)

- Me rastin e 23-vjetorit të zhdukjes së profesorit, politologut dhe luftëtarit të paepur të çështjes kombëtare Mr. Ukshin Hoti, do të bëhet një vizitë në Shtëpinë Muze të Ukshin Hotit. (Fshati Krushë e Madhe, ora 11:00)

 - Mbahet mbledhja e Kryesisë së Kuvendit të Kosovës. (Ndërtesa e Kuvendit, salla C 301, ora 11:00)

- Mbahet ceremonia e hapjes zyrtare e edicionit te dytë të panairit Max fest. (Sheshi Zahir Pajaziti, ora 11:00)

-  Komisioni për Ekonomi, Industri, Ndërmarrësi dhe Tregti shqyrtion raportin me rekomandime për Projektligjin për turizmin dhe raportin vjetor të Komisionit të Pavarur për Miniera dhe Minerale. (Ndërtesa e Kuvendit, salla N10, ora 12:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Brestoc, Hoçë e Vogël. (Objektet e shkollave fillore të fshatit Brestoc dhe Hoçë e Vogël, ora 17:00)

- Në kuadër të Ditëve të Gjuhës Gjermane në Kosovë, shfaqet filmi "Sami, Joe und ich" nga Karin Heberlein si dhe mbahet diskutim me temë "Diaspora në Kinema: Promovimi i imazhit të Kosovës në vende gjermano folese. (Kinema Armata, ora 18:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatra: Nagac dhe Celinë. (Objektet e shkollave fillore të fshatit Nagac dhe Celinë, ora 18:00)

- Shfaqet premiera e dokumentarit “Babai dhe Babai”. (Muzeu Etnologjik “Emin Gjiku” në Prishtinë, ora 20:00)

- Kryetari i Komunës së Rahovecit Smajl Latifi organizon takime publike me qytetarë për kërkesat e tyre dhe ecurinë e projekteve në këto fshatit Krushë e Madhe. (Shtëpia e Kulturës “Muhamet Malsori”, ora 20:00)