Washington, 10  gusht - Rimëkëmbja e SHBA ka pësuar një ngadalësim për shkak të të dhënave mbi papunësinë, që janë tepër shqetësuese krahasuar me të dhënat e tjera.

Lajmin e ka bërë të ditur FED, e cila po studion masa të reja për të përshpejtuar ritmet e rimëkëmbjes së ekonomisë amerikane.

Ngrirja e papunësisë, me të dhëna mbi tregun e punës më të dobëta nga sa pritej, bën të mendosh se do të ketë një rimëkëmbje pa krijuar vende të reja pune, ose tepër të ngadaltë.

Për këtë arsye, Ben Bernanke është vënë menjëherë në punë për të ndryshuar masat e reja të stimujve, si blerja direkte e obligacioneve dhe e titujve të shtetit.