24 Maj 2022

Nis trajnimi për auditorët e brendshëm

Prishtinë, 24 maj - Ministria e Ekonomisë dhe Financave ka filluar sot trajnimin për auditorët e brendshëm të Qeverisë së Republikës së Kosovës, të cilët do të certifikohen ndërkombëtarishtë për Auditimin e Brendshëm.

Ky trajnim prezantohet nga konsorciumi ndërkombëtar i përbërë prej Korporatës Tribal Helm nga Irlanda,  Qendrës së Ekselencës në Financa (CEF) nga Sllovenia dhe Institutit të Autorizuar për Financa Publike dhe Kontabilitet (CIPFA) nga Mbretëria e Bashkuar me financim të Komisionit Evropian përmes projektit të menaxhuar nga Ndërlidhëse e Komisionit  Evropian, për të ofruar përkrahje në përmirësimin e menaxhimit, kontrollit dhe llogaridhënies publike në Kosovë.

Kjo është një mundësi e rëndësishme për auditorët e qeverisë që të marrin kualifikim prestigjioz të përqendruar në mënyrë specifike në aftësitë e nevojshme për sektorin publik.

Ministri i Ekonomisë dhe Financave, Ahmet Shala, duke i përgëzuar  në emër të Qeverisë së Republikës së Kosovës të gjithë pjesëmarrësit për këtë projekt e sidomos Komisionin Evropian, tha se “Qeveria e Republikës së Kosovës është e përkushtuar maksimalisht në arritjen e përformancës maksimale në aspektin e menaxhimit të financave publike. Këtë projekt, respektivisht trajnimin  auditorëve të brendshëm unë e shoh si një element kyç në funksion të avancimit të kësaj performance”.

Ai më tej shtoi se “Ministria e Ekonomisë dhe Financave ka qenë një përkrahëse e fuqishme për zhvillimin e një kuadri modern dhe profesional të auditivit të brendshëm për qeverinë e Kosovës dhe ne jemi shumë të kënaqur me përkrahjen e vazhdueshme që kemi marrë nga Zyra Ndërlidhëse e Komisionit Evropian dhe paraardhësi i saj Agjencioni Evropian për Rindërtim”.

Drejtori i Njësisë qendrore për harmonizimin e auditimit të brendshëm në Ministrinë e Ekonomisë dhe Financave, Kosum Aliu “ tha se Programi një vjeçar i trajnimit dhe certifikimit për auditorët e brendshëm në Qeverinë e Kosovës është njëri prej 6 komponentëve të projektit për përmirësimin e menaxhimit, kontrollit dhe llogaridhënies publike në Qeverinë e Republikës së Kosovës.

Ky projekt ofron mundësinë që grupit prej 50 auditorëve të brendshëm, të studiojnë praktikat më të mira me Qendrën e Ekselencës në Financa nga Sllovenia, dhe të certifikohen ndërkombëtarisht për auditim të brendshëm nga Instituti për Kontabilitet dhe Financa Publike në Britaninë e Madhe”.

Ndërsa, përfaqësuesja e Zyrës Ndërlidhëse të Komisionit Evropian në Prishtinë, znj Angelika Votsylou, tha se “Pas këtij trajnimi, Qeveria e Kosovës do të ketë mundësinë që të ketë në dispozicion shërbimet e auditorëve të brendshëm të certifikuar ndërkombëtarisht, do të thotë sistemet e KFPP-së dhe transparenca në shpenzimet publike janë disa prej elementeve që bëjnë themelet e kornizës së Qeverisë, dhe në këtë mënyrë ky trajnim është i rëndësishëm.

Zyra Ndërlidhëse e Komisionit Evropian në Kosovë, ka kënaqësinë që përkrahet nga Qeveria e Kosovës, dhe shpresojmë që ky trajnim do të vë baza në institucionet e Kosovës edhe pas përfundimit të këtij projekti, dhe të zhvillohet për vite të tëra edhe për gjenerata të ardhshme për auditorët e brendshëm”.

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)