05 Dhjetor 2022

Nga 850 lëndë të pazgjidhura nga Gykata Supreme, 70% konteste ekonomike

Prishtinë, 18 shkurt - Këshilli Gjyqësor i Kosovës, në mbledhjen e sotme datë 18 shkurt 2010, nën drejtimin e Kryesueses znj. Lirije Osmani mbajti mbledhjen e radhës.

Në  këtë mbledhje, Këshilli aprovoi Raportin Statistikor për vitin 2009 të punës,   të Gjykatave të Rregullta dhe të Gjykatave për Kundërvajtje.

Me këtë rast, Këshilli Gjyqësor i Kosovës, konstatoi se, efikasiteti në punën e Gjykatës Supreme, edhe pse duke pasur parasysh kushtet në të cilat ka punuar, nuk ka qenë në nivel të duhur, e posaçërisht në përfundimin e procedurës penale për të mitur, ku 50% e lëndëve janë të pazgjidhura, ndërkaq sipas procedurës penale civile janë mbi 50% e lëndëve janë të pazgjidhura, gjithashtu, në procedurën e revizionet janë 850 lëndë të pazgjidhura, në veçanti më se 70% janë në konteste ekonomike e që zgjidhja e tyre ka rëndësi të veçantë për zhvillimin ekonomik në Kosovë.

Njëherit, Këshilli u informua për emërimin e gjyqtarëve të  Gjykatës Supreme, për prokurorët e Prokurorisë  së Shtetit si dhe për prokurorët e Prokurorisë  Speciale të dekretuar nga Presidenti i Republikës së Kosovës.

Këshilli, aprovoi dorëheqjen e zt. Ymer Huruglica, kryetarë  i Gjykatës së Qarkut në  Gjilan.

Meqenëse, nuk janë  plotësuar vendet e punës të parapara me shpalljen e konkursit 2009, Këshilli vendosi që, gjyqtarët e Gjykatës Supreme dhe prokurorët e Prokurorisë së Shtetit, të cilët aktualisht janë në këto detyra, e të cilët nuk janë riemëruar, të vazhdojnë punën deri në përfundimin e procesit të plotësimit të vendeve sipas konkursit të ri, i cili në ndërkohë do të publikohet .

Ndërkaq, për Kryeprokurorin e gjertanishëm të Shtetit, do të vazhdoi punën si prokuror deri në plotësimin e kushteve për pension, meqenëse, vendi i tij është plotësuar me procesin e riemërimit. 

Këshilli Gjyqësor i Kosovës  shqyrtoi edhe disa çështje të tjera me rëndësi nga fushë kompetenca e vet.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)