24 Maj 2022

Nënshkruhet marrëveshja e granteve për komunitete

Prishtinë, 1 prill - Për të promovuar kulturën dhe traditën e komunitetit Romë, si një nga vlerat shumë-kulturore të trashëgimisë kulturore kosovare, Zyra për Çështje të Komuniteteve në Zyrën e Kryeministrit (ZÇK-ZKM) ka ndihmuar përmes ndarjes së granteve në vlerë prej 12.800 eurosh, duke financuar katër projekte të cilat do t’i implementojnë organizatat jo-qeveritare nga regjione të ndryshme të Kosovës.

Duke marrë për bazë faktin që 8 Prilli njihet si Dita Ndërkombëtare e Romëve, dhe simbolizon identitetin e këtij komuniteti, ZÇK-ZKM bazuar në objektivat e saj për promovimin e kulturave të të gjitha komuniteteve, bëri një ftesë publike për aplikim për të gjitha organizatat jo-qeveritare rome që të paraqesin projekt-propozimet me përmbajtje të aktiviteteve që promovojnë identitetin Romë, gjuhën dhe kulturën e tyre.

Simbolika e kësaj dite është shumë e rëndësishme për shoqërinë kosovare, në mënyrë që pavarësisht dallimeve të tyre etnike apo religjioze, qytetarët e Kosovës t’i gëzojnë në mënyrë të barabartë të drejtat dhe liritë demokratike.

Zyra për Çështje të Komuniteteve në Zyrën e Kryeministrit do të vazhdojë edhe më tutje të ndihmojë projekte të ndryshme që çojnë në promovimin e kulturave të të gjitha komuniteteve kosovare. Kjo zyrë deri më tani ka përkrahur shumë projekte të këtij lloji që promovojnë traditën kulturore si dhe identitetin në përgjithësi, të të gjitha komuniteteve që jetojnë në Kosovë.

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)