02 Shkurt 2023

Nënshkrimet e kontratave do të bëhen edhe nga ministrat

Prishtinë, 26 maj - Në kuadër të angazhimeve të vazhdueshme në luftë të pakompromis kundër korrupsionit dhe në kuadër të adresimit të sfidave në sektorin e Prokurimit Publik, të cilat janë përmendur edhe në Raportin e Progresit të Komisionit Evropian për vitin 2009, Qeveria e Republikës së Kosovës në mbledhjen e sotme të saj, ka marrë vendim për aprovimin e Udhëzimit Administrativ në fushën e prokurimit publik, i cili përcakton mënyrën e nënshkrimin e kontratave publike me vlerë të mesme dhe atyre me vlerë të lartë.

Udhëzimi administrativ përcakton që nënshkrimi i këtyre kontratave, përveç nga drejtori i Prokurimit Publik, të bëhet edhe nga sekretari i përhershëm, përkatësisht nga zyrtari më i lartë administrativ dhe nga ministri, përkatësisht udhëheqësi kryesor i agjencisë buxhetore.

Ky udhëzim administrativ është në mbështetje të Kushtetutës së Kosovës dhe në pajtim me rregulloren e punës së Qeverisë së Repblikës së Kosovës, dhe ështe pjesë e Ligjit të ri të Prokurimit Publik, i cili do të aprovohet këtë viti nga Parlamenti i Kosovës.

Udhëzimi Administrativ për nënshkrimin e kontratave publike me vlerë të mesme dhe atyre me vlerë të lartë do të jetë në fuqi deri në miratimin e Ligjit për Prokurim Publik, dhe siguron që fondet publike të përdoren me transparencë dhe përgjegjësi të plotë.

Miratimi i ketij udhezimi është një mase imediate, të cilën Qeveria e Republikës së Kosovës e ka ndërmarrë me qëllim të rritjes së përgjegjësisë në shpenzimin e mjeteve të buxhetit të Kosovës. Në mënyrë të veçantë, ky udhëzim administrativ kosiderohet si një masëe tjetër imediate e Qeverisë së Republikës së Kosovës në lufte kundër korrupsionit.

Qeveria e Republikës së Kosovës është e përkushtuar për luftë të pakompromis kundër krimit të organizuar dhe korrupsionit dhe do të vazhdojë me marrjen e veprimeve të tjera në këtë kuadër. 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)