18 Gusht 2022

Në 2009-n Shqipëria më e varfra në Evropë

Bruksel, 24 qershor - Pavarësisht rritjes ekonomike më të lartë në rajon dhe BE, Shqipëria renditet e fundit në listën e Eurostat sa i takon fuqisë blerëse, duke u konsideruar shteti më i varfër në Evropë.

Në një vlerësim krahasimor të Prodhimit të Brendshëm Bruto (GDP) për frymë për vitin 2009, të shprehur sipas “Standardit të Fuqisë Blerëse”, Shqipëria kap fundin e listës të përbërë nga 37 vende, mes të cilave mungon vetëm Kosova.

Shqipëria nuk mund të krahasohet as me vendet fqinje si Maqedonia, Bosnja apo Mali i Zi, shtete këto tepër të vogla në raport me Shqipërinë, e cila në fakt, ka pasur rritjen ekonomike më të lartë.

“Standardi i Fuqisë Blerëse”, është njësia e përbashkët monetare fiktive europiane, e cila eliminon kursin e këmbimit dhe dallimet e çmimeve nga njëri vend në tjetrin për t'i krahasuar ato. Në një mesatare europiane të rrumbullakosur në shifrën 100, Shqipëria shënon vetëm 27 për qind, duke mos lënë asnjë vend pas saj. Bosnja renditet më lart, me 30 për qind, Maqedonia shënon 35, Serbia 37, ndërsa Mali i Zi regjistron 43 për qind të GDP-së për frymë krahasuar me mesataren e 27 vendeve europiane.

Për të dalluar qartë nivelin e jetesës, ekspertët e Eurostat marrin si nivel mirëqenieje mesataren europiane te 15 vendet e vjetra të Unionit, që kryesohen nga Luksemburgu me 268 për qind. Vendi tjetër fqinj, anëtar i BE-së, Greqia, ndodhet nën këtë mesatare me 95 për qind dhe ndiqet nga vendet e Europës Qendrore dhe lindore që u anëtarësuan më vonë në familjen europiane, ku dy anëtarët më të reja Rumania e Bullgaria rezultojnë me përkatësisht 45 dhe 41 për qind.

Ndoshta për shkak të mungesës së Kosovës, për të cilën nuk paraqiten shifra, vendi i fundit në listë është Shqipëria, me një diferencë prej 73 pikësh nën mesataren europiane sipas "Standardit të Fuqisë Blerëse", i cili paraqet në një pozicion me të mirë ekonomitë e varfra, krahasuar me atë të monedhës së standardizuar.

Përveç vendeve të Bashkimit Europian dhe Ballkanit, vlerësimi i Zyrës Evropiane të Statistikave ka përfshirë dhe Zvicrën, Norvegjinë e Islandën. Vlerësimi përfundimtar i Eurostat do të publikohet në dhjetor të këtij viti.

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)