24 Maj 2022

MPMS nënshkruan Memorandum Mirëkuptimi me RAS-in

Prishtinë, 20 maj - Ministri i Ministrisë së Punës dhe Mirëqenies Sociale z. Nenad Rashiq, në kabinetin e tij ka zhvilluar një takim pune me Enzo Longobardi- Shef i RAS- Restoring Ancient Stabiae Foundation- me ç’rast ka bërë nënshkrimin e Marrëveshjes së Mirëkuptimit për partneritetin në fushën e trajnimeve, shkëmbimit të përvojave të punës, nxitjes së punësimit si dhe fushat tjera sociale.

Një nga pikat kryesore të diskutimit ka qenë edhe aktiviteti i përbashkët në krijimin e kushteve sa më të favorshme për mundësinë e punësimit të të rinjve Kosovar në Itali, duke pasur parasysh se çdo vit Italia punëson një numër të madh të punëtoreve nga vende të ndryshme të botës.

Në ketë kontekst, do të organizohen trajnime për punëkërkuesit Kosovar të cilët janë të interesuar për pune sezonale ne Itali, ku agrikultura bashkë me turizmin dhe ndërtimin është sektori më me shumë mundësi punësimi.

Në të njëjtën kohë do tu ofrohet mundësi të rinjve të cilët sapo kanë përfunduar shkollimin, të shkëmbejnë përvoja punuese në kompani të ndryshme në Itali, në fushën e turizmit, arkitekturës, arkeologjisë si dhe shume fushave të tjera të cila do të kontribuojnë në ngritjen profesionale si dhe zhvillimin social të të rinjve Kosovar.

Ministri Rashiq më tej siguroi edhe njëherë se MPMS do t’i përmbush pergjegjesite e dalura nga kjo marrëveshje duke synuar kështu një bashkëpunim edhe më të mirë dhe më efikas në të ardhmen me RAS Foundation si dhe me cilindo institucion tjetër që kanë synime dhe projekte të përbashkëta në të mire të qytetarëve Kosovar.

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)