03 Shkurt 2023

Ministri Shala takoi Daniel Rosenblum

Washington, 22 korrik - Në vazhdën e takimeve në SHBA, ministri Shala është pritur në Departamentin e Shtetit nga Daniel Rosenblum, koordinator i projekteve për Evropë dhe Euro-Azi si dhe nga znj. Jennifer Brush, zv. asistente/sekretare Sekretare për Evropën Qendrore dhe Lindore.

Gjatë  këtyre takimeve u diskutua për  zhvillimet e fundit në Kosovë, me theks të veçantë në fushën e ekonomisë dhe të financave.

Ministri Shala i informoj zyrtarët e lartë amerikan rreth progresit në Kosovë, sidomos për sferën e bashkëpunimit me Institucionet Financiare Ndërkombëtare.

Në këtë kontekst përmendi përmbushjen e parakushteve për  një afat rekord nga institucionet e Kosovës për të hyrë në program me FMN-në si dhe domosdoshmërinë për të punuar ngushtë edhe me Komisionin Evropian dhe Bankën Botërore për të realizuar transferimin e mjeteve të zotuara si ndihmë për buxhetin e Kosovës.

Ministri Shala i njoftoj zyrtarët e lartë amerikanë për  mundësitë e mëdha që ofron  Kosova për investime, sidomos në sektorët strategjik të ekonomisë në të cilët edhe kompanitë Amerikane mund të kenë interes për të investuar.

Edhe në këto takime u konfirmua vazhdimi i mbështetjes së SHBA-ve për Kosovën në projekte të ndryshme zhvillimore si dhe në sektorët në të cilët Departamenti i Shtetit do ta përkrahë Kosovën si në sektorin e sektori  energjisë, minierave, bujqësisë dhe nëne zhvillimin e gjithmbarshëm ekonomik.

Gjatë ditës së sotme ministri Shala pritet të takohet edhe me  Drejtorin Ekzekutiv të SHBA-ve në Bordin e FMN-së, Meg Lundsager, ndërsa  nesër do të takohet me Drejtorin Ekzekutiv të SHBA-ve në Bordin e Bankës Botërore Ian Solomon.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)