24 Maj 2022

Ministri Shala priti delegacionin eFMN-se për Kosovën

Prishtinë, 20 maj - Në Ministrinë e Ekonomisë dhe Financave po qëndron për një mision negociues ekipi i Fondit Monetar Ndërkombëtar, i cili u prit nga Ministri i Ekonomisë dhe Financave z. Ahmet Shala.

Përveç takimeve intensive në MEF, agjendën e ekipit të FMN-së e përbëjnë takimet e ndryshme me Ministri relevante, aksionare të projekteve madhore me interes nacional, si dhe institucione tjera të Republikës së Kosovës.

Sot,  u mbajtën takimet e para dhe Ministri i Ekonomisë dhe Financave, Ahmet Shala e informoi ekipin lidhur me përparimet e bëra që nga vizita e tyre e fundit në Shkurt të këtij viti, si dhe që nga takimi i përbashkët i tyre gjatë takimeve pranverore të Prillit 2010 në Washington.

Me ekipin e FMN-së, u shqyrtuan masat që do të ndërmerren nga ana e Qeverisë së Kosovës, për sigurimin e suksesit të projekteve të mëdha e me interes nacional të Kosovës, si dhe mënyrat e adresimit të nevojave të shumta të qytetarëve të vendit, natyrisht në korniza të asaj që konsiderohet qëndrueshmëri financiare dhe gjithmonë duke ju përmbajtur rregullave fiskale dhe buxhetit të balancuar.

Ministri Shala dhe Qeveria e Republikës së Kosovës kanë shprehur përkushtimin afatgjatë për të harmonizuar qëndrimet dhe politikat e tyre me Fondin Monetar Ndërkombëtar, me qëllim të përmbylljes së suksesshme të negociatave dhe arritjes së marrëveshjes në parim për një program me FMN-në, që nënkupton përkrahje buxhetore nga FMN-ja.

Fleksibiliteti i nevojshëm për këtë program do t‘i mundësojë Kosovës që në mënyrë të qetë t‘i zgjidhë disa nga problemet e akumuluara sociale dhe në të njëjtën kohë të sigurojë nivel të qëndrueshëm për stabilitet ekonomik.

 

Kalendari

Ngjarjet e datës 25 maj 2022

- Instituti Demokratik i Kosovës mbanë diskutimin publik me temën “Raportet Kosovë-Serbi: Tabelat e veturave dhe një Dialog që nuk po lëvizë!” një diskutim i përbashkët i përfaqësuesve të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë. (Hotel Sirius, ora 9:30)  

- Komisioni për Buxhet, Punë dhe Transfere, shqyrton raportin vjetor financiar të Agjencisë për Informim dhe Privatësi për vitin 2021, Projektligjin për plotësimin dhe ndryshimin e Ligjit për Fondet Pensionale të Kosovës, etj. (Kuvendi i Kosovës, salla C203, ora 10:00)

- OJQ "Iniciativa për Drejtësi dhe Barazi - Inject" organizon konferencën përmbyllëse  të Projektit me titull “Sigurimi i të Drejtave Pronësore të Grave përmes rritjes së Kapaciteteve Institucionale në Kosovë”.  (Hotel Emerald, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, diskuton për zbatimin e Ligjit për Mbrojtjen e Fëmijës. (Kuvendi i Kosovës, salla N302, ora 10:00)

- Kryetari i Komunës së Prizrenit, Shaqir Totaj, pret në takim Christopher Hyland, kontribues në Pavarësinë e Kosovës në SHBA-të dhe në prezantimin e shtetit tonë te ish-presidenti amerikan Bill Clinton. (Shtëpia e Bardhë, Prizren, ora 11:00)

- Mbahet edicioni i 21-të të panairit ndërkombëtar EXPOKOS, që i dedikohet bizneseve të sektorëve të: Ndërtimit, Energjisë, Makinerisë dhe Sigurisë dhe Mbrojtjes. Merr pjesë zëvendëskryeministri i Kosovës, Besnik Bislimi. (Pallati i Rinisë, ora 11:00)

- Mbahet Kuvendi i pestë i Partisë Eko Lëvizja e Gjelbër e Kosovës. (Hotel Grand, salla e Kuqe, ora 11:00)

- Drejtoria e Mirëqenies Sociale, në kuadër të “Fushatës vetëdijesuese për trajtimin e fëmijëve në situatë rruge” organizon një kampanjë me moton “Unë s’jap lëmoshë, AS TI! & Bashkë t’i mbrojmë fëmijët në situatë rruge” me qëllim të përçimit të mesazhit se dhënia e lëmoshës cenon dhe dëmton jetën e fëmijëve në situatë rruge. (Sheshi “Nënë Tereza”, ora 11:00)

- Punëtorët e Lotarisë së Kosovës protestojnë në shenjë pakënaqësie për mosplotësimin e kërkesave të tyre për Ligjin për Lotarinë e Kosovës dhe pagat për këta punëtorë. (Para ndërtesës së Qeverisë, ora 11:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike mban mbledhje. (Kuvendi i Kosovës, salla N303, ora 14:00)

- Instituti Kombëtar Demokratik organizon debatin e parë mbi politika nën temën “Në mbrojtje të demokracisë: Politikat gjithpërfshirëse të punësimit kanë rëndësi”. (Objekti i komunës së re në Prishtinë, ora 14:00)

- Klubi Futbollistik Drita mban konferencë për medie. (Selia e Federatës së Futbollit të Kosovës, ora 14:00)

- Klubi Futbollistik Llapi mban konferencë për medie. (Selia e Federatës së Futbollit të Kosovës, ora 15:00)

 Fondacioni Lumbardhi hapë sezonin e programeve që kremtojnë 70-vjetorin e kinemasë me promovimin e librit “Lumbardhi: një histori episodike” dhe fillimin e programit të filmit LXX në ekran të madh. (Kino Bahçe në Prizren, ora 19:00)