09 Gusht 2022

Ministrat nga Eurozona në takim për krizën greke

Bruksel, 15 mars - Ministrat e Financave e vendeve anëtare të Eurozonës sot do të takohen për të kontraktuar parametrat e ndihmës financiare për Greqinë.

“Guardian”-i britanik pohon se bëhet fjalë për ndihmë prej 25 miliardë eurove. Në këtë moment, pengesa kryesore e Greqisë është Gjermania e cila nuk dëshiron t`i ndihmojë, meqë konsiderojnë se Greqia vite tëra ka zhvilluar ekonomi të gabuar e cila bie ndesh me standardet e Bashkimit Evropian (BE).

Përndryshe, dje ministrja franceze e Ekonomisë Kristin Lagard deklaroi se nuk pret që ministrat e Eurozonës në takimin e sotëm të marrin ndonjëfarë vendimi që do t`i ndihmonte Greqisë.

Në prag të takimeve të ministrave të Eurozonës për t`i ndihmuar Greqisë, Lagard nuk është optimiste e madh, transmetojnë mediumet franceze.

“Definitivisht nuk pres të merret ndonjë vendim, apo të shtypet ndonjë buton që do t`i ndihmonte Greqisë meqë është shumë herët për çfarëdo zgjidhje”, deklaroi Lagard, para gazetarëve në Nju-Jork.

Lagard shtoi se Greqia duhet të japë kontribut të madh me hapat dhe masat e ndërmarra dhe të përballet me krizën financiare.

Nevojat për hua të Greqisë për vitin 2010 arrijnë edhe deri në 53,2 miliardë euro. Ministrat e financave të 16 vendeve që shfrytëzojnë euron, Evrogrupi, do të takohen sot dhe nesër në Bruksel, për të biseduar për krizën greke, borxhin dhe përparimin e vendit me vendosjen e masave të reja më të rrepta, të nevojshme për kthimin e besimit në tregjet. 

Kalendari

Ngjarjet e datës 9 gusht 2022

- Lëvizja FOL organizon konferencë për media me ç’ rast do të publikoj gjetjet nga monitorimi i realizimit të Planit Vjetor të Punës së Qeverisë për periudhën janar- qershor 2022. (Zyret e Lëvizjes FOL, ora 11:00)

- Zëvendëskryeministrja për Çështje të Pakicave dhe të Drejtat e Njeriut, Emilija Redžepi, mban takimin me temën “Arsimi i komuniteteve joshumicë në Republikën e Kosovës”, me pjesëmarrjen e të gjithë përfaqësuesve relevant të institucioneve. (Ndërtesa e Qeverisë, ora 12:00)

- Hapet ekspozita “Ekonomia e Gruas në tregun e punës” e cil paraqet veprat e artistëve të Bosnjës dhe Hercegovinës të cilët në mënyra të ndryshme trajtojnë format e padukshme/të neglizhuara/të panjohura të punës. (Mini Studio në Rr. Nazim Gafurri 25, ora 20:00)