02 Shkurt 2023

Mbyllet kampi rom “Çesmin Llug” në Mitrovicën Veriore

Prishtinë, 12 tetor - Familjet e komunitetit rom, ashkali dhe egjiptian (RAE) janë zhvendosur pas dhjetë vitesh kushte të vështira në kampin “Çesmin Llug”. Barakat e fundit të kampit “Çesmin Lug” janë rrënuar më 1 tetor 2010.

Kjo është bërë e mundur përmes përpjekjeve të përbashkëta të projekteve të financuara nga USAID dhe BE-ja në koordinim të plotë me palët tjera të interesit. Mbyllja e kampeve të kontaminuara me plumb mbetet objektiv kryesor i këtyre dy projekteve. Kampi në Osterode pritet të mbyllet deri në fund të muajit qershor 2011.

Në kuadër të projektit të financuar nga USAID-i, gjatë muajit shtator 2010 janë zhvendosur në Mahallën e Romëve pesëdhjetë familje RAE.  Projekti i financuar nga BE-ja do të sigurojë zhvendosjen e 90 familjeve tjera RAE të cilat aktualisht jetojnë në kampin “Osterode”.

USAID-i dhe BE-ja kanë vendosur të kenë qasje të integruar dhe e kanë zgjedhur një partner implementues për t'i adresuar nevojat dhe çështjet e familjeve RAE në fushat e strehimit, kujdesit dhe trajtimit mjekësor, zhvillimit ekonomik dhe iniciativat jetësore për përkrahjen e integrimit të qëndrueshëm. 


Projektet gjithashtu do të adresojnë aktivitete për zhvillimin e komunitetit për të mundësuar riintegrim dhe pajtim të qëndrueshëm dhe paqësor ndërmjet komunitetit të zhvendosur dhe komunitetit vendas.  Për autoritetet vendore shëndetësore planifikohet përkrahje e mëtutjeshme për të mundësuar shërbime të duhur shëndetësore në Mahallën e Romëve si dhe trajtime specifike mjekësore për fëmijët e kontaminuar me plumb.

Projektet implementohen në bashkëpunim të plotë me qeverinë e Kosovës, Komunën e Mitrovicës dhe një numër të organizatave kombëtare dhe ndërkombëtare.  Projektet implementohen nga Mercy Corps në emër të USAID-it dhe BE-së. 
 

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)