01 Shkurt 2023

Mbahet tryeza për të shënuar Javën e Zhdukjes së Varfërisë

Prishtinë, 19 tetor - Si pjesë e aktiviteteve për të shënuar Javën e Zhdukjes së Varfërisë, 17 - 24 tetor, një tryezë e rrumbullakët do të mbahet sot në Kuvendin e Kosovës për të diskutuar përparimin që e ka mbëritur Kosova gjatë viteve të fundit në arritjen e Objektivave të Zhvillimit të Mijëvjeçarit .

Kjo ngjarje do të tubojë përfaqësues të Agjencive të Kombeve të Bashkuara, deputetë të Kuvendit, komunitetit të donatorëve dhe përfaqësues të shoqërisë civile për të diskutuar të arriturat e OZhM-ve,  përparimin e Kosovës, si dhe të vendosë agjendë konkrete të veprimit dhe politikat e nevojshme për të përshpejtuar progresin në secilën nga tetë Objektivat, në veçanti zhdukjen e varfërisë, shëndetin e grave dhe fëmijëve. 

Tryeza do të shërbejë qëllimit të fuqizimit të platformës për bashkëpunim mes Kuvendit të Kosovës dhe partnerëve përkatës nga komuniteti i donatorëve, shoqërisë civile dhe agjencioneve të Kombeve të Bashkuara, në avancimin e mëtejmë të OzhM-ve dhe përfshirjes sociale në Kosovë.

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)