05 Shkurt 2023

Mbahet konferenca Qeverisja e Korporatave dhe Pergjegjësia Sociale

Prishtinë, 30 qershor - Oda Ekonomike Amerikanë në Kosovë në partneritet me Programin e Kombeve të Bashkuara për Zhvillim (UNDP) dhe Korporatën Financiare Ndërkombëtare (IFC) organizojnë konferencë mbi Qeverisjen e Korporatave dhe Përgjegjësinë Sociale të Korporatave.

Qëllimi i konferencës është të prezentohen iniciativat e IFC dhe UNDP mbi Qeverisjen e Korporatave dhe Përgjegjësinë Sociale dhe angazhimin e sektorit privat, qeverisë dhe shoqërisë civile drejt avancimit të tyre në Kosovë. Kjo ngjarje do të jetë një rast për disa biznese të prezentojnë praktikat e tyre në këtë fushë.

Përgjegjësia sociale e korporatave është një përkushtim i vazhdueshëm nga bizneset për sjellje etike dhe të kontribojnë në zhvillimin e gjithmbarshëm ekonomik duke përmirësuar cilësinë e jetës së fuqisë punëtore si dhe komunitetit ku ata veprojnë.

UNDP promovon përgjegjësinë sociale të korporatave përmes iniciativës Global Compact, e cila tenton ti angazhoj bizneset në procesin e zhvillimit duke ofruar asistencë në themelimin e mekanizmave vete-rregullues përmes së cilave bizneset monitorojnë dhe mbështesin zbatimin e ligjit, normave etike dhe atyre ndërkombëtare.

Ky aktivitet organizohet në kaudër të memorandumit të mirëkuptimit të nënshkruar nga UNDP dhe Oda Amerikane në lidhje me mbështetjen e zhvillimit të sektorit privat në Kosovë. Pjesë e kësaj iniciative është edhe lansimi i ‘Cmimi për Praktikat më të Mira të Përgjegjësisë Sociale’, i cili tenton të stimuloj dhe shpërblej ato biznese që kanë zbatuar normat e përgjegjësisë sociale në funksionet dhe shërbimet e tyre. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)