02 Shkurt 2023

Marrëveshje për decentralizimin e shërbimeve social në Shtërpcë

Prishtinë, 26 mars - Ministri i Ministrisë së Punës dhe Mirëqenies Sociale Nenad Rashiq, në kabinetin e tij ka zhvilluar një takim pune me kryetarin e sapozgjedhur të Kuvendit Komunal të Shtërpcës, Bratislav Nikolc, ku kanë bërë nënshkrimin e Marrëveshjes së Mirëkuptimit për bartjen e kompetencave të shërbimeve sociale dhe delegimin e përgjegjësive të ndihmave sociale në nivel komunal.

Pjesëmarrëse në këtë marrëveshje është edhe Ministria e Administrimit të Pushtetit Lokal dhe Ministria e Ekonomisë dhe Financave.

Kjo marrëveshje ka për qëllim përmbushjen e objektivit të përgjithshëm të bartjes së kompetencave të shërbimeve të mirëqenies sociale për Komunën e Shtërpcës, me qëllim që kjo komunë të demonstroj kompetencën e kërkuar për përmbushjen e përgjegjësive konform legjislacionit në fuqi dhe kësaj marrëveshje.

Tanimë Komuna e Shtërpcës është përgjegjës për ofrimin e shërbimeve sociale dhe për të administruar skemën e ndihmës sociale sipas përgjegjësisë së deleguar, nën mbikëqyrjen e MPMS-së.

Gjithashtu palë përgjegjëse në këtë marrëveshje janë edhe Ministria e Administrimit të Pushtetit Lokal dhe  Ministria e Ekonomisë dhe Financave për bashkërendimin e procesit të përgjithshëm të decentralizimit në Kosovë dhe praktikat më të mira të menaxhimit dhe financimit të qeverisë lokale.

Kalendari

Ngjarjet e datës 2 shkurt 2023

- Komisioni për Shëndetësi dhe Mirëqenie Sociale shqyrton draft-planin e punës për sesionin pranveror 2023. (Ndërtesa e Kuvendit, N303, ora 9:00)

Paneli i Gjykatës së Apelit bën shpalljen e aktgjykimit të apelit në çështjen Hysni Gucati dhe Nasim Haradinaj. (Hagë, ora 9:30)  

- Këshilli Gjyqësor i Kosovës (KGjK) mban mbledhjen e radhës. (Ndërtesa e KGjK-së, ora 10:00)  

- Kuvendi i Kosovës mban seancë plenare. (Kuvendi i Kosovës, ora 10:00)  

- Komisioni Qendror i Zgjedhjeve shënon Ditën Globale të Zgjedhjeve me temën “Pjesëmarrja në zgjedhje në Republikën e Kosovës dhe roli i institucioneve”. (Hotel Sirius, ora 10:00)  

-Ministri i Shëndetësisë, Arben Vitia, viziton Komunën e Ferizajt ku do të takohet me kryetarin Agim Aliu. (Ferizj, ora 10:30)

- Zëvendëskryeministrja e Republikës së Kosovës, Emilija Redžepi organizon tryezë të rrumbullakët me rastin e regjistrimit të ardhshëm të popullsisë së Kosovës. (Ndërtesa e Qeverisë, salla P38, ora 14:00)