15 Gusht 2022

MAPL dhe BB ndihmojnë komunat, pajisje në vlerë 100 mijë dollarë

Prishtinë, 23 mars - Ministria e Administrimit të Pushtetit Lokal (MAPL), në bashkëpunim më Bankën Botërore (BB) dorëzojnë sot për komunat e Republikës së Kosovës, grandin për Teknologji Informative.

Komunat përfituese të këtij grandi janë; Istogu, Podujeva, Prishtina, Juniku, Kamenica, Ferizaj, Shtime, Kaçanik, Hani Elezit, Mitrovica, Klina, Graçanica, Kllokoti, Ranillugu, Fushë Kosova dhe Vushtrria. Në ceremoni do të marrin pjesë Ministri i Administrimit të Pushteti Lokal z. Sadri  Ferati, përfaqësues nga Banka Botërore dhe Kryetarët e Komunave.

Ministria e Administrimit të Pushtetit Lokal (MAPL) me qëllim të përmbushjes së objektivave strategjike të saj për ndërtimin e një administrate moderne dhe profesionale, është duke ndërmarr hapa konkret në ngritjen e infrastrukturës  së teknologjisë Informative dhe komunikuese (TIK) në të gjitha komunat e Republikës së Kosovës.

Në këtë drejtim, MAPL-ja, është e përkushtuar me misionin e saj për avancimin e qeverisjes Lokale dhe për një shërbim sa më efikas dhe më afër qytetarit. 

Pajisjet e Teknologjisë i dorëzohen komunave të  cilat janë përzgjedhur në grupin e ngushtë të komunave përfituese si shenjë mirënjohje për bashkëpunimin efektiv që kanë treguar  në funksionalizimin e sistemit “Softueri për bashkëpunim e zyrave për shërbim të qytetarëve me portalin ministror dhe atë qeveritar”.

Pajisjet në vlerë prej 100 mijë dollarëve përfshijnë kompjuter, Desktop PC, Priner i rrjetit dhe  Laptop.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)