22 Shtator 2021

Ligji për Rimëkëmbje Ekonomike i miratuar pa përfshirjen e të gjitha palëve nuk gjenë ende zbatim

Prishtinë, 27 korrik -  Instituti  për  Politika  Zhvillimore  (INDEP)  ka  mbajtur  sot konferencën  për medie me titull “Pasqyrë e zbatimit të Ligjit për Rimëkëmbjen Ekonomike dhe mësimet e nxjerra”.

Konferenca u mbajt nga Dardan Abazi, Drejtor i Programit dhe Hulumtues i Lartë dhe  znj.  Kaltrina  Rexha,  Asistente  Hulumtuese/Koordinatore  e  Projektit  nga  INDEP.  

Gjatë kësaj  konference, hulumtuesit  shpalosën  shpalosën monitorimin  8  mujor  që INDEP  i  ka  bërë zbatimit të Pakos së Rimëkëmbjes Ekonomike, efekteve të saj por edhe ngecjeve që janë hasur në proces.

Gjithashtu gjatë kësaj konference, janë shpalosur edhe rekomandimet për përpilimin e pakove të reja.
 
Në  konferencë  u  publikua  punimi me  titull  “Pasqyrë  e  zbatimit  të  Ligjit për  Rimëkëmbjen Ekonomike dhe mësimet e nxjerra”.

Punimi është realizuar në kornizën e procesit të monitorimit të  zbatimit  të  Ligjit  për  Rimëkëmbje  Ekonomike.

Mes  tjerash,  punimi  thekson  se  Ligji  për Rimëkëmbje Ekonomike është miratuar pa përfshirjen në diskutim të të gjitha palëve të interesit, përfshirë palët zbatuese, se disa nga masat nuk kanë gjetur ende zbatim edhe pas 8 muajve miratim të ligjit dhe se disa nga masat bien ndesh me periudhën e draftimit dhe atë të miratimit të ligjit.  

Si  rekomandime,  INDEP-i  rekomandon  institucionet  të  sigurohen  që  çdo  pako  tjetër  që miratohet në të ardhmen, të jetë paraprakisht e konsultuar me të gjitha palët e përfshira në proces, që të gjithë akterët e përfshirë në Ligjin për Rimëkëmbje Ekonomike në bashkëpunim  të ngushtë me  Agjencinë  e  Statistikave  të  Kosovës  të  mbledhin  të  dhëna  statistikore  mbi  shfrytëzimin  e mjeteve  në  mënyrë  që  këto  të  dhëna  të  jenë  të  qasshme  për  të  gjithë  dhe  të  mund  të  jenë  të matshme.

Në këtë mënyrë do rritej transparenca dhe llogaridhënia e institucioneve të Kosovës ndaj qytetarëve.

Abazi theksoi gjithashtu se në Pakot e ardhshme duhet të kenë objektivat e qarta dhe matshme duke ndihmuar kështu në rimëkëmbjen ekonomike të vendit.   


 

Kalendari

Ngjarjet e datës 22 Shtator 2021

- Ministri i Shëndetësisë, Arben Vitia, raporton në Komisionin për Shëndetësi dhe Mirëqenie Sociale për menaxhimin e situatës me Covid-19. (Ndërtesa e Kuvendit, salla N302, ora 10:00)

- Ministria e Mjedisit, Planifikimit Hapësinor dhe Infrastrukturës në bashkë organizim me Komunën e Prishtinës, Policinë e Kosovës, OJQ-të shënojnë “Ditën Ndërkombëtare pa Makina”. (Para ndërtesës së Qeverisë, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton formon grupin punues për Projektligjin për Gjykatën Komerciale, shqyrton raportet e Komisioneve të përhershme  për Projektligjin për ndryshimin dhe plotësimin e Ligjit për përgjegjësinë disiplinore të gjyqtarëve dhe prokurorëve, etj,. (Ndërtesa e Kuvendit, salla N204, ora 10:00)

- Kryetari i Kuvendit të Republikës së Kosovës, Glauk Konjufca, pret në takim kryetaren e Kuvendit të Shqipërisë, Lindita Nikolla. (Kabineti i kryetarit, ora 10:00)

- Mbahet takimi i 203-të i Këshillit Prokurorial të Kosovës. (Përmes formës online, ora 10:00)

- Komisioni për Mbikëqyrjen e Financave Publike shqyrton rekomandimet e dala nga raporti i auditimit të performancës “Parandalimi dhe reagimi i situatave emergjente: Vërshimet”, etj. (Ndërtesa e Kuvendit, salla N10, ora 12:00)

- Komisioni për Buxhet, Punë dhe Transfere shqyrton Raportin vjetor financiar të Agjencisë Kosovare të Privatizimit, raportin vjetor Financiar i Agjencisë Kosovare për Krahasim dhe Verifikim të Pronëssi dhe Raportin vjetor Financiar i Institucionit të Avokatit të Popullit. (Ndërtesa e Kuvendit, salla C203, ora 13:00)

- Komisioni për Mbikëqyrjen e Agjencisë së Kosovës për Inteligjencë bën rishikimin e Planit të punës së Komisionit për sesionin vjeshtor. (Ndërtesa e Kuvendit, salla N302, ora 13:00)

- Instituti Kosovar për Kërkim dhe Zhvillim i Politikave dhe Qendra Kosovare për Studime të Sigurisë në bashkëpunim me Programi i Universitetit Columbia për Ndërtimin e Paqes dhe të Drejtat e Njeriut organizojnë një konferencë me temë 'Sfidat e Kosovës që vijnë Rusia dhe Kina' me Holden Triplett Agjenti Special i FBI -së dhe Drejtor për Kundërzbulimin në Këshillin e Sigurisë Kombëtare, ret. (https://zoom.us/j/98242813908?pwd=cFBiZGdMV3pRTTV3RDJBbTE5UEtVQT09, ora 16:00)