15 Gusht 2022

LDD: Kosova është shteti më i korruptuar në Evropë

Prishtinë, 22 mars - Lidhja Demokratike e Dardanisë vlerëson se, Kosova është një ndër shtetet më të korruptuar në Evropë falë kryekëput kësaj qeverisjeje, e cila ka mungesë të kapaciteteve për ndërtimin dhe zhvillimin e shtetit, mungesë të vizionit, si dhe mungesë të vullnetit për të vënë në agjendë luftimin e korrupsionit,  i cili gjendet fatkeqësisht në dikasteret me të rëndësishme institucionale. Këto vlerësime, sipas LDD-së,  vijnë edhe nga institucionet më prestigjioze ndërkombëtare për Republikën e Kosovës.
 
Kryesia e Lidhjes Demokratike të Dardanisë mbajti takimin e saj të rregullt nën udhëheqjen e kryetarit të saj akademik Nexhat Daci, në të cilën u diskutua rreth aktualitetit politik në nivel të Republikës së Kosovës, si dhe rreth aktiviteteve të përgjithshme të partisë.
 
Lidhja Demokratike e Dardanisë në muajin e fundit ka mbajtur takime me 80 %  të degëve të saj në Kosovë nga të cilat ka marrë përkrahje të fuqishme koncepti dhe vizioni i partisë i udhëhequr nga kryetari i saj akademik Nexhat Daci. LDD do të vazhdoj edhe më tutje takimet e saj me strukturat e degëve të tjera të cilat janë në radhë, ku poashtu do të njoftohen me konceptin dhe vizionin e LDD-së për vitin 2010.
 
Lidhja Demokratike e Dardanisë konsideron se degët e saj në Kosovë dhe diasporë janë fuqishëm të mobilizuara dhe të motivuara që në vazhdim të shtojnë aktivitetin e tyre. LDD po ashtu do të jetë edhe më e pranishme në teren, për tu njohur me brengat e qytetarëve të vendit, si dhe me problemet e vazhdueshme të tyre, të cilat janë të shumta falë qeverisjes jo vizionare që sot fatkeqësisht ka Republika e Kosovës.
 
Lidhja Demokratike e Dardanisë vlerëson se, Kosova është një ndër shtetet më të korruptuar në Evropë falë kryekëput kësaj qeverisjeje, e cila ka mungesë të kapaciteteve për ndërtimin dhe zhvillimin e shtetit, mungesë të vizionit, si dhe mungesë të vullnetit për të vënë në agjendë luftimin e korrupsionit,  i cili gjendet fatkeqësisht në dikasteret me të rëndësishme institucionale. Këto vlerësime, sipas LDD-së,  vijnë edhe nga institucionet më prestigjioze ndërkombëtare për Republikën e Kosovës.
 
Lidhja Demokratike e Dardanisë në bazë të nenit 19 të statutit të saj, ka vendosur që të me 10 prill të mbajë Konventën e dytë të partisë, ku do të marrin pjesë 501 delegatë, për të cilën Konventë tashmë është caktuar edhe këshilli organizativ lidhur me organizimin sa më të mirë teknik. Konventën thërret kryetari i LDD-së ashtu siç edhe paracakton statuti i Lidhjes Demokratike të Dardanisë.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)