03 Shkurt 2023

Kuvendi nuk e miratoi raportin e Trustit të Kursimeve Pensionale

Prishtinë, 4 maj - Prishtinë, 4 maj - Në seancën e sotme të Kuvendit të Republikës së Kosovës, nuk është miratuar Raporti i Trustit të Kursimeve Pensionale të Kosovës, për vitin 2009.


Shumica e shefave të grupeve parlamentare dhe deputetë të shumtë, pjesëmarrës në debatin parlamentar për këtë çështje, kanë vlerësuar se Raporti i paraqitur i TKPK-së, më shumë se raport i njëmendtë, është përmbledhje teknike e pasqyrave financiare, prandaj si i tillë nuk i plotëson kushtet për tu miratuar. s.

Kaqusha Jashari, deputete e Kuvendit të Kosovës, tha se ky nuk është një raport adekuat, me 2 apo 3 faqe. “Është çudi që ky raport është dhënë kështu, pra është nënçmim për Kuvendin të sillet si i tillë”, tha ajo, duke shtuar se ky raport është qesharak.

Teuta Hadri nga radhët e PDK-së, akuzoi bordin e Trustit, se po investon paratë jashtë vendit, e me këtë po nënçmon bankat vendore dhe kapacitetin e sigurisë së tyre.
Myzejene Selmani, nga radhët e AKR-së, tha se po diskutojnë një raport të Trustit, 5 faqe që nuk i plotëson kushtet për t'u diskutuar, ndërkaq edhe ajo si shumë deputet tjerë akuzoi këtë institucion që po investon paratë jashtë vendit.

Ndërkaq Berim Ramosaj, deputet nga radhët e LDK-së, tha se është shumë me rëndësi të diskutohet për Trustin, pasi sipas tij ky institucion është specifik dhe se vendimet e marra nga ky institucion duhet të nisen nga përgjegjësitë sociale dhe zhvillimi ekonomik.

Sipas tij, nuk është e rëndësishme ku plasohen fondet e Trustit, mirëpo ai tha se puna e Trustit duhet të jetë më efikase dhe më e përgjegjshme. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)