03 Shkurt 2023

Konferenca mbi Iniciativën e Global Kompaktit të OKB

Prishtinë, 26 tetor - Oda Ekonomike Amerikane në Kosovë (OEAK) në bashkëpunim me Zyrën Ndërkombëtare të Punës (ILO) Programin Ndërkombëtar mbi Eliminimin e Punës së Fëmijëve (IPEC) dhe Programin e Kombeve të Bashkuara për Zhvillim (UNDP) organizojnë Konferencë mbi Iniciativën e Global Kompakt në Kosovë.

Global Kompakti i OKB-së kërkon nga kompanitë që të përvetësojnë, përkrahin dhe zbatojnë, në kuadër të sferës së ndikimit të tyre, disa vlera themelore në fushën e të drejtave të njeriut, standardeve të punës, mjedisit dhe luftës kundër korrupsionit.

Pas një fushatë vetëdijesimi dy javore mbi rëndësinë e 10 parimeve të Global Kompaktit, në veçanti parimin numër 5, i cili mëton zhdukjen efektive të punës së fëmijëve, OEAK, ILO-IPEC, dhe UNDP do të organizojnë konferencën ku do të marrin pjesë zyrtar institucional nga Qeveria e Kosovës, përfaqësues biznesesh, përfaqësues të sindikatave të punëtorëve, si dhe përfaqësues të grupeve tjera që mbrojnë interesat e punëtorëve.

OEAK, ILO-IPEC, dhe UNDP  konsiderojnë se angazhimi i komunitetit të biznesit për themelimin e mekanizmave vetë-rregullues përmes së cilave bizneset monitorojnë dhe mbështesin zbatimin e ligjit, normave etike dhe atyre ndërkombëtare, si dhe pjesëmarrja aktive e komunitetit të biznesit në adresimin e punës së fëmijëve, është e një rëndësie të jashtëzakonshme.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)