30 Janar 2023

Komisioni Qendror i Regjistrimit të Popullsisë mban takimin e parë konstituiv

Prishtinë, 1 dhjetor - Komisioni Qendror i Regjistrimit (KQR), kryesuar nga prof. Florim Isufi, ka mbajtur sot takimin e parë konstituiv. Anëtarët e komisionit kanë diskutuar mbi rregulloren e punës së KQR, dhe planin e veprimit lidhur me aktivitetet e Regjistrimit të Popullsisë. Gjithashtu u diskutuan  sfidat dhe përparësitë e regjistrimit për vitin 2023.

Komisioni Qendror i Regjistrimit (KQR) është institucioni më i lartë hierarkik i Regjistrimit, i cili mbikëqyrë përgatitjen, organizimin dhe mbarëvajtjen e Regjistrimit të Popullsisë në përgjithësi.

Komisioni Qendror i Regjistrimit përbëhet nga kryesuesi, zëvendës kryesuesi dhe anëtarët në këtë përbërje si në vijim: Florim Isufi; Zyra e kryeministrit kryesues, Ilir Berisha; Agjencia e Statistikave të Kosovës zëvendës kryesues, Besart Grabanica; Minsitria e Fincnave Puëns dhe Transfereve anëtar, Avni Kastrati; menaxher i regjistrimit të popullsisë anëtar, Enver Makolli; Ministria e Arsimit anëtar, Ramadan Mramori; Ministria e Punëve të Jashtme anëtar, Devlina Hana; Ministria e Bujqësisë anëtare, Mërgim Neziri; Ministria Administratës dhe Pushtetit Lokal anëtar.

Anëtarë të tjerë në këtë komision janë votuar Kushtrim Krasniqi nga Ministria e Punëve të Brendshme, Riza Murseli nga Ministria e Mjedisit dhe Planifikimit Hapësinor, Justina Shiroka Pula nga Akademia e Shkencave, Dea Pallaska nga UNFPA, zyra në Kosovë, Besart Krasniqi nga Oda Ekonomike e Kosovës, Edi Gusia nga Agjencia për Barazi Gjinore, Agim Ferati nga Këshilli konsultativ për komunitete dhe Sazan Ibrahimi nga Asociacioni i Komunave të Kosovë.

 

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)