05 Shkurt 2023

Komisioni Evropian siguron ujin e pijshëm në Novobërdë

Prishtinë, 2 korrik - Sot Komisioni Evropian hapi rrjetin e furnizimit me ujë i cili siguron ujë të pijshëm dhe furnizim me ujë 24/7 për 1000 njerëz në komunën e Novobërdës.


Ky furnizim me ujë do të përmirësojë në masë të konsiderueshme kushtet e jetesës fillimisht për dy fshatra e më pas edhe për zonën më të gjerë të Novobërdës.


Në këtë mënyrë do të krijohet edhe mundësia për ta shpejtuar kthimin e personave të zhvendosur të të gjitha grupeve etnike.


Me përfundimin e këtij projekti  banorët e fshatrave të Cukllovcit dhe Tullarit për herë të parë kanë një rrjet të sigurt të furnizimit me ujë si dhe pajisjet e nevojshme për funksionimin e duhur të rrjetit. Për më tepër, burimi i ujit dhe rezervuari i ndërtuar ofrojnë mundësinë për ta zgjeruar rrjetin e furnizimit me ujë duke mbuluar zonat e banuara në afërsi, sikurse që është fshati Bostan dhe tërë qyteti i Novobërdës.


Ofrimi i infrastrukturës funksionale dhe e qëndrueshme për furnizim me ujë është pjesë e një programi më të gjerë e zhvillimit të infrastrukturës sociale dhe ekonomike me ndihmën e fondeve të BE-së. Theks i veçantë i kushtohet komunave më të anashkaluara dhe më të largëta.


Që prej 2003 BE-ja ka investuar 26 milionë EUR në infrastrukturën komunale në Kosovë. Rrjeti i furnizimit me ujë në Novobërdë ka kushtuar afërsisht 400,000 EUR.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)