03 Shkurt 2023

“Ibër-Lepenci" do të punësoj 43 veteranë të luftës

Prishtinë, 2 prill - Në kuadër të përkushtimeve të Qeverisë së Republikës së Kosovës për mbështetjen institucionale të kategorive të dala nga lufta, Zyra për Çështje të Veteranëve të Luftës së UÇK-së, që funksionon në kuadër të Zyrës së Kryeministrit dhe Ndërmarrja Hidroekonomike “Ibër-Lepenc”, sot kanë nënshkruar një Memorandum mirëkuptimi për punësimin e 43 punëtorëve sezonalë, nga radhët e veteranëve të luftës.

Në emër të Zyrës për Çështje të Veteranëve të Luftës së UÇK-së në kuadër të ZKM-së, marrëveshjen e nënshkroi Faik Fazliu, udhëheqës i kësaj zyreje, ndërsa në emër të Ndërmarrjes Hidroekonomike “Ibër-Lepenc”, kryeshefi ekzekutiv Hajdar Beqa.

Marrëshja parasheh punësimin e 43 punëtorëve, në kuadër të punësimit të punëtorëve sezonalë për nevojat e Njësisë së Ujitjes gjatë vitit 2010.

Përzgjedhja e 43 veteranëve të luftës që do të punësohen në Ndërmarrjen Hidroekonomike “Ibër-Lepenc”, do të bëhet nga Zyra për Çështje të Veteranëve të Luftës së UÇK-së, që funksionon në kuadër të Zyrës së Kryeministrit, në bashkëpunim me Shoqatën e Veteranëve të Luftës së UÇK-së.
 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)