19 Janar 2022

Hapet konventa vjetore e Shoqatës së Bankave të Kosovës

Prishtinë, 9 dhjetor - Shoqata e Bankave të Kosovës (SHBK) organizon sot hapjen e “Konventës Vjetore bankare të SHBK-së 2021”, si ngjarjen më e madhe e komunitetit bankar që organizohet në Kosovë.

Konventa e këtij viti ka për synim të mbledhë komunitetin bankar, që veprojnë dhe kontribuojnë në zhvillimin e sektorit bankar në Kosovë, për të diskutuar për temën: “Financimi i Qëndrueshëm: Standardet Mjedisore, Sociale dhe Qeverisëse për Financim të Qëndrueshëm në Kosovë".

Pandemia botërore ka ndikuar në shumë aspekte të bankimit. Bankat, si dhe klientët e tyre, kanë përjetuar një efekt shokues me kufizimin e lëvizjes dhe mbylljen ekonomike të imponuar për të frenuar përhapjen e COVID-19.

Sektori bankar në Kosovë, si një nga shtyllat më të rëndësishme të stabilitetit financiar të vendit, ka dhënë një kontribut të rëndësishëm në tejkalimin e gjendjes së vështirë ekonomike të shkaktuar nga pandemia.

Bankat komerciale, të mbëshetura nga Banka Qendrore e Kosovës dhe Shoqata e Bankave të Kosovës,  kanë ndërmarrë veprime konkrete duke  ofruar lehtësira në pagesat e kredive dhe qasje në likuiditet për ndërmarrjet private si dhe ekonomitë familjare.

Kjo ka bërë që bankat të vihen në shërbim të ekonomisë në mënyrë konstruktive duke ndihmuar në përballjen me sfidat aktuale në të cilat shoqëria e Kosovës po kalon.  

Për më tepër, sektori bankar ka krijuar shërbime dhe infrastrukturë të konsiderueshme të pagesave dhe transfereve duke krijuar kushte të favorshme për klientët për të kryer pagesat e tyre në këtë kohë krize. 

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)