05 Dhjetor 2022

Graçanica i bashkohet procesit të Zhvillimit Ekonomik Rajonal

Prishtinë, 22 shkurt - Kryetari i komunës së Graçanicës nënshkroi të hënën marrëveshjen ndërkomunale për t’iu bashkuar procesit të Zhvillimit Ekonomik Rajonal të Bashkimit Evropian (EURED)  dhe u bë anëtare e Agjencisë për Zhvillim Rajonal (RDA) me qendër në Prishtinë. Graçanica është komuna e shtatë anëtare e AZhR-së, qendër, së bashku me komunën e Prishtinës, Drenasit, Fushë Kosovës, Obiliqit, Podujevës, dhe Shtimes.


Kjartan Björnsson, shef i Operacioneve në Zyrën ndërlidhëse të KE-së pohoi: “Komisioni Evropian është i kënaqur që Graçanica po i bashkohet procesit të  EURED-it dy javë pas Kllokotit dhe Ranillugut. Procesi i EURED-it po dëshmohet të jetë korniza e duhur për krijimin e partneriteteve për rritje ekonomike në baza shumetnike.”


Isa Mustafa, kryesues i Bordit Udhëheqës të AZhR-së, qendër, pohoi: “Bordi e ka mirëpritur Graçanicën në procesin e EURED-it. Tani ne duhet të përqendrohemi dhe të punojmë drejt zhvillimit ekonomik pasi që është koha t’i përmbushim kërkesat e qytetarëve për të përmirësuar standardin e tyre të jetesës dhe cilësinë e jetës.”


Bordi Udhëheqës i Agjencisë për Zhvillim Rajonal (RDA) qendër, mbajti mbledhjen e tij të rregullt në hapësirat e AZhR-së, qendër, në Prishtinë. Drejtori ekzekutiv i AZhR-së, qendër, z. Salvador Elmazi, raportoi për progresin e shënuar në përgatitjet e strategjisë për zhvillim ekonomik rajonal si dhe në përmirësimin e konsolidimin e parteriteteve për zhvillim midis bizneseve, autoriteteve, shërbimeve publike, OJQ-ve dhe mediave. 


Zyra ndërlidhëse e Komisionit Evropian përkrah procesin e EURED-it përmes bashkëfinancimit të veprimtarisë së pesë njësive të AZhR-së duke ofruar ndihmë teknike me ekspertë nga BE-ja dhe duke financuar projekte për zhvillim ekonomik përmes skemës së granteve të EURED-it.


Zyra ndërlidhëse e KE-së publikoi një ftesë për propozime në shumë prej € 7.4 milionë për të financuar projekte për zhvillim ekonomik rajonal në pesë regjionet ekonomike të Kosovës, që do të jetë i hapur deri më 20 maj 2010.
 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)