03 Shkurt 2023

Gjermania dhe Britania me plan antikrizë për bankat në BE

Berlin, 2 prill - Gjermania dhe Britania e Madhe, sipas kancelares gjermane, Angela Merkel, duan të dalin më qëndrim të përbashkët në BE për dhënien e një kontributi financiar antikrizë të bankave në Bashkimin e Evropian.

Pas një takimi me kryeministrin britanik, Gordon Brown, kancelarja gjermane tha se të dyja vendet pajtohen në një masë të madhe lidhur me këtë çështje.

"Gëzohem që edhe në Britaninë e Madhe ekziston synmi për një masë të tillë. Kemi rënë dakord që një koordinim të tillë ta arrijmë brenda BE-së. Pas kësaj, si evropianë në samitin e G20-s-, mendoj që së bashku me amerikanët- këtë ta shohim si një masë të re, e cila të sigurojë që bankat që futen në krizë në të ardhmen të mos rëndojnë më taksapaguesit, por të mbajnë vetë peshën e rrezikut."

Qëllimi është që një kontribut i tillë i bankave të koordinohet brenda BE-së. Merkel deklaroi se deri në samitin e ardhshëm të BE-së duhet arritur në një qëndrim të përbashkët.

Pas kësaj evropianët mund të përpiqen të fusin në të gjithë botën  pjesëmarrjen e bankave në pasojat e krizës. Lidhur me Iranin, Merkel dhe Brown mbështesin presidentin amerikan për sanksione të reja kundër Iranit. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)