05 Shkurt 2023

Geithner, thirrje evropianëve për veprime të shpejta financiare

Washington, 27 maj - Sekretari amerikan i Thesarit Timothi Geithner po u kërkon kolegëve evropianë që të veprojnë me shpejtësi dhe energji për të siguruar tregjet se kriza financiare evropiane nuk do të lejohet të përhapet.

Zoti Geithner foli sot në Londër, pas bisedimeve me ministrin britanik të financave George Osborne në fillim të bisedimeve disa ditore në qytete të tjera evropiane me zyrtarë të lartë gjermanë dhe evropianë.

Bisedimet mbahen ndërsa Shtetet e Bashkuara, Gjermania dhe vende të tjera të Bashkimit Evropian nuk po bien dakord për rrugën më të mirë për të rregulluar sistemin financiar pas krizës më të rëndë ekonomike prej dekadash.

Sekretari i Thesarit po diskuton mbi paketën financiare të hartuar nga vendet evropiane pas krizës greke. Ai tha se paketa ka elementet e duhura por duhet të vihet në funksionim.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)