01 Shkurt 2023

FMN pret rritje të ekonomisë globale prej 4,5 për qind

Hong Kong , 8 korrik - Ekonomia globale do të rimëkëmbet më shpejtë se sa që pritet, por megjithatë ekzistojnë disa rreziqe financiare fillimisht për shkak të problemeve me borxhet e disa vendeve evropiane, vlerëson Fondi Monetar Ndërkombëtar (FMN) në raportin e tij më të ri për perspektivat ekonomike globale.

Në dokumentin, të publikuar sot në Hong-Kong, parashikohet rritje e ekonomisë globale gjatë vitit 2010 prej 4,5 për qind.

Parashikimi i këtillë për rritjen ekonomike është për 0,4 për qind pikë më shumë nga parashikimi paraprak i FMN-së të publikuar gjatë prillit të këtij viti.

Fondi në raportin e tij thekson se megjithatë ekziston "rritje drastike e rrezikut" për ekonominë globale për shkak të krizës debitore në Evropë.

Për këtë arsye, sipas ekspertëve të FMN-së, rritja e paraparë e këtillë prej 4,5 për qind do të varet nga aftësia e liderëve evropianë të sigurojnë stabilitet ekonomik në vendet e tyre

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)