17 Janar 2022

FMN: Në Evropë po vazhdon papunësia

Varshavë, 30 mars - Rimëkëmbja e ekonomisë evropiane pas krizës globale do të jetë e ngadaltë, pasi rritja e lehtë e sektorit financiar nuk mjafton për zvogëlimin e papunësisë, deklaroi sot në Varshavë drejtori i përgjithshëm i Fondit Monetar Ndërkombëtar.

"Evropa i ka rezistuar më mirë krizës, sepse ekonomitë më pak delikate bien më ngadalë", deklaroi Dominique Strauss-Kahn gjatë një fjalimi të mbajtur përpara studentëve të Shkollës së Ekonomisë në Varshavë.

"Por, për shkak të kësaj mungese elasticiteti, rimëkëmbja do të kërkojë pak kohë për t´u arritur", shtoi Strauss-Kahn, në vizitën e tij të parë në Poloni si kreu i FMN-së.

"Dhe kjo rimëkëmbje e ngadaltë do të sjellë në Evropë një rritje reale prej rreth një për qind, ndoshta 1,5 për qind, ndoshta edhe pak më tepër, por jo shumë më tepër, gjë që nuk është sa duhet. Një rritje e dobët ekonomike në Evropë shoqërohet me papunësi të lartë. Dëgjoj shumë njerëz që thonë ´Krizën e lamë pas, ajo përfundoi´. Mendoj se ata e kanë gabim", vazhdoi Strauss-Kahn.

"Krizën financiare ndoshta e kemi lënë pas, por pasojat e saj në shoqëri do të ndihen për një kohë të gjatë. Dhe për sa kohë nuk është zvogëluar papunësia, nuk mund të themi se ka kaluar kriza", shtoi ai.

Kalendari

Ngjarjet e datës 17 janar 2022

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit mban dëgjim publik për Projekt-Kodin e Procedurës Penale dhe projektligjin për bashkëpunim juridik ndërkombëtar në çështjet civile. (Ndërtesa e Kuvendit, salla N506, ora 9:00)

- Instituti Demokratik i Kosovës organizon tryezën më temë “Shpenzimet e parasë publike në kategorinë e subvencioneve dhe investimeve kapitale gjatë mandatit qeverisës 2018-2021”. (Hotel Sirius, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Universiteti Publik “Kadri Zeka” në Gjilan,  do të shënojë Janarin e Përflakur më çrast do të mbahet tribunë e hapur në të cilën do të ketë dy ligjërata "Flakadanët e lirisë" dhe Jusuf Gërvalla - Atdhetari dhe krijuesi. (Amfiteatrin i Universiteti të Gjilanit, ora 11:00)  

- Partia Socialdemokrate do të mbaj konferencë për media lidhur me projektligjin për inspektime të propozuar nga Qeveria e Kosovës. (Zyra e PSD-së, në rrugën Bajram Kelmendi, ora 13:00)

- Në kuadër të manifiestimit 'Flaka e Janarit' mbahet akademie e Flakës 2022. (Teatri i qytetit të Gjilanit, ora 17:00)

 

- Në 40 vjetorin e vrasjes së Jusuf e Bardhosh Gërvallës dhe Kadri Zekës, shkëlqesia e Tij, Albin Kurti, Kryeministër i Republikës së Kosovës, organizon Akademinë Përkujtimore në nderim të tre veprimtarëve të shquar të çështjes kombëtare. (Salla e Kuqe, Pallati i Rinisë dhe Sporteve, Prishtinë, ora 17:00)

- Hapet ekspozita kolektive e artit pamor. (Galeria e qytetit të Gjilanit, ora 19:00)