15 Gusht 2022

FMN, Greqia pasoja edhe në eurozonë

Athinë, 7 prill - Ashtu siç pritej, pasojat e krizës ekonomike në Greqi po ndjehen edhe në vendet e eurozonës. Sipas shefit të Fondit Monetar Ndërkombëtar, Dominique Strauss Kahn, rritja ekonomike për vendet e eurozonës do të jetë më e ulët nga sa ishte parashikuar në këtë fillimit.

Nga Jordania drejtori i FMN-se paralajmëroi vendet që përdorin monedhën euro, se optimizmi për një rimëkëmbje të shpejtë ekonomike pas krizës globale duket i tepruar.

Ai tha se rritja ekonomike brenda 2010-ës për 16 shtetet e Bashkimit Evropian nuk do të jetë më shumë se 0.8 për qind, ndërsa parashikohet që për vitin 2011 rritja do të jetë 1.5 për qind.

Frika për një ulje të mundshme ekonomike dhe destabilizimin e euros në vendet e eurozonës pas krizës në Greqi ishte e pranishme. Për këtë arsye shefat e ekonomive të vendeve të BE-së ranë dakord për ti akorduar Greqisë një paketë ndihmëse prej 23 miliardë eurosh.

Bashkimi Evropian po përballet me problemet që kanë disa nga vendet anëtare si borxhi i madh, papunësia e lartë dhe ekonomitë në rrudhje. Shqetësimi më i madh tani për tani është Greqia.

Vendi po merr masa për ta ulur borxhin, por kjo nuk do të jetë e lehtë. Ndërkohë edhe vende të tjera të Bashkimit Evropian përballen me probleme të ngjashme, ndonëse jo aq të mprehta sa Greqia.

Sot, Greqia ka një borxh të jashtëm të barabartë me 120 për qind të Prodhimit të saj të Përgjithshëm Kombëtar, më i larti ndër të gjithë vendet anëtare të Bashkimit Evropian.

Kalendari

Ngjarjet e datës 15 gusht 2022  - Presidentja e Republikës së Kosovës, Vjosa Osmani Sadriu  pret me ceremonitë më të larta shtetërore, me rastin e fillimit të mandatit të tij, presidentin e Republikës së Shqipërisë, Bajram Begaj. (Sheshi “Ibrahim Rugova”, ora 10:00 - Mediat duhet të jenë në ndërtesën e Kuvendit të Kosovës më së voni në ora 9:15)

- Komuna e Rahovecit organizon dëgjim publik me organizatat jo qeveritare për buxhetin e vitit 2023 dhe Kornizës Afatmesme Buxhetore për vitet 2024-2025. (Salla e Kuvendit Komunal, ora 10:00)

- Fakulteti i Filologjisë i Universitetit të Prishtinës "Hasan Prishtina" organizon ceremoninë solemne të hapjes së punimeve të Seminarit XL Ndërkombëtar për Gjuhën, Letërsinë dhe Kulturën Shqiptare. (Amfiteatri i Bibliotekës Qendrore Universitare, ora 11:00).

- Kryetari i Kuvendit të Republikës së Kosovës, Glauk Konjufca, pret në takim presidentin e Republikës së Shqipërisë, Bajram Begaj. (Kabineti i kryetarit, ora 12:15 - Mediat mund të marrin pamje në fillim të takimit)

- Kryeministri i Kosovës, Albin Kurti pret në takim presidentin e Republikës së Shqipërisë, Bajram Begaj. (Ndërtesa e Qeverisë, ora 13:00)

- Kryetari i Komunës së Gjilanit, Alban Hyseni pret sot në takim ministren e Arsimit, Shkencës, Teknologjisë dhe Inovacionit, Arbërie Nagavci, ku më pas do të ketë prononcim për media në Zyrën e Kryetarit. (Gjilan, ora 15:00)

- Presidenti i Shqipërisë, Bajram Begaj zhvillon homazhe te varri i ish-presidentit Ibrahim Rugova. (Velani, ora 15:45)

- Presidenti i Shqipërisë, Bajram Begaj zhvillon homazhe te varrezat e Familjes Jashari. (Kompleksi Memorial  në Prekaz, ora 16:35)

- Në kuadër të Akademisë Verore ‘’Arbën Xhaferi"  mbahet akademi përkujtimore për jetën dhe veprën e Arbën Xhaferit. (Pallati i Kulturës, "Hasan Prishtina", ora 19:30)