05 Korrik 2022

Eurozonë: Norma e interesit e pandryshuar

Bruksel, 5 mars - Banka Qendrore Evropiane i ka lënë të enjten të pandryshuara normat e interesit në nivelin 1 përqind, për të 10-in muaj rresht, ndërkohë që përgatitet të shpalosë aksionet e reja për të tërhequr masat e emergjecës që i ndërmori për të mbështetur tregjet financiare.

Vendimi u mor sot nga këshilli prej 22 anëtarësh dhe nuk është se shkaktoi ndonjë surprizë në tregje, duke mbajtur parasysh dobësinë e rritjes ekonomike të eurozonës dhe perspektivën e inflacionit.

Inflacioni vjetor në rajonin prej 16 vendesh të eurozonës ra 0,9 përqind në muajin shkurt, sipas të dhënave të publikuara më herët gjatë kësaj jave, duke e kapërcyer sërish në një masë të madhe marxhinën e synimit të BQE-së për një normë “poshtë, por pranë” nivelit të 2 përqindëshit.

Mëkëmbja ekonomike e eurozonës, ndërkohë, mbetet pa gjallëri. Prodhimi i brendshëm bruto u rrit vetëm me 0,1 përqind në tremujorin e fundit 2009, konfirmoi zyra e statistikave të Bashkimit Evropian, Eurostat. Rritja është nxitur nga eksportet, ndërkohë që shpenzimet konsumatore kanë mbetur në vend.

Të mërkurën në mbrëmje, BQE-ja lavdëroi planet e fundit të masave shtrënguese të ndërmarra nga Athina, por presidenti i bankës, Jean-Claude Trichet ka shumë gjasa të sinjalizojë sërish kundërshtimin e Bankës për një program ndihme nga vendet e tjera të eurozonës, apo nga Fondi Ndërkombëtar Monetar.

Eurozona do veprojë e koordinuar

Eurozona është e gatshme të veprojë në një mënyrë të koordinuar dhe të vendosur për të ruajtur stabilitetin e vet financiar, por nuk është e nevojshme që të ndërmarrë veprime të tilla tani për tani, deklaroi Komisioni Evropian të enjten.

Zëdhënësi i Komisionit, Amaden Altafaj, deklaroi se masat shtrënguese të prezantuara nga Greqia të mërkurën, ishin një paketë e qëndrueshme, që mund t’i jepte vendit mundësinë të përmbushte brenda këtij viti masat e parashikuara për të shkurtuar deficitin buxhetor.

“Kjo është një paketë solide,” deklaroi përpara mediave evropiane zëdhënësi Altafaj. “Me paketën e paraqitur dje, Greqia është tani në pozitë të atillë, që do t’i mundësojë të përmbushë objektivat ambicioze të lidhura me deficitin, veçanërisht për vitin 2010, në përputhje me vullnetin e përgjithshëm që ekziston,” deklaroi ai.

“Këto masa janë mënyra më e mirë për të forcuar besueshmërinë e shtetit grek, në lidhje me financat e veta publike, dhe kjo sigurisht që do të ketë ndikimin e vet,” vazhdoi Altafaj.

Kalendari

Ngjarjet e datës 5 korrik 2022

- Mbahet takimi në mes të delegacionit Amerikan të MCC-së dhe atij të Republikës së Kosovës në lidhje me programin Kompakt të MCC-së. (Ndërtesa e Qeverisë, Salla - P38, ora 9:00)

- Komisioni për Çështje të Sigurisë dhe Mbrojtjes shqyrton propozim-amendamentet për Projektligjin për Komisionerin Parlamentar për Forcën e Sigurisë së Kosovë. (Ndërtesa e Kuvendit, salla N225, ora 10:00)

- Auditorja e Përgjithshme, Vlora Spanca mban konferencë për media me rastin e përfundimit të sezonit auditues 2021/22 dhe procesit të publikimit të 121 raporteve të auditimit. (Ambientet e Zyrës Kombëtare të Auditimit, Lagjja Arbëria, ora 11:00)

- Komisioni për Ekonomi, Industri, Ndërmarrësi dhe Tregti shqyrton raportin vjetor të Autoritetit të Konkurrencës së Republikës së Kosovës për vitin 2021. (Ndërtesa e Kuvendit, salla N10, ora 11:00)

- Rektori i Universiteti të Prishtinës Naser Sahiti dhe U.D Sekretari i Përgjithshëm, Besfort Krasniqi raportojnë para Komisionit për Mbikëqyrjen e Financave Publike lidhur me raportin e Auditimit për pasqyrat financiare vjetore të Universitetit të Prishtinës, për vitin 2021. (Ndërtesa e Kuvendit, salla N303, ora 11:00)

- Instituti Demokratik i Kosovës mban konferencën për media gjatë të cilës do të shpalosën të gjeturat nga monitorimi i punës së Kuvendit për gjashtë muajt e parë të sesionit pranveror me fokus në çështjen e mungesës së kuorumit dhe shqyrtimit të projektligjeve. (Zyrat e Institutit Demokratik të Kosovës, ora 11:00)

- Programi i Kombeve të Bashkuara për Zhvillim në Kosovë do të lansoj edicion e 22-të të Përmbledhjes Pulsi Publik. (Salla e konferencave të UNDP-së, ora 11:00)

- UBT nënshkruan dy marrëveshje shumë të rëndësishme me dy universitete nga shteti i Iowa-s, me University of Northern Iowa dhe University of Iowa. (Kampusi i UBT-së, Lipjan, tek QMI, ora 12:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione prezanton draftligjin për Mbrojtje nga Dhuna në Familje dhe Dhuna në Baza Gjinore, nga eksperti Hilmi Jasahri, i angazhuar nga UN Women. (Ndërtesa e Kuvendit, salla N303, ora 13:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Shëndetësor, etj. (Ndërtesa e Kuvendit, salla N204, ora 13:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës njoftohet rreth ndërrimit të anëtares së PDK-së Eliza Hoxha me deputetin Abelard Tahiri si dhe diskuton rreth emrave të ekspertëve. (Ndërtesa e Kuvendit, salla N303, ora 13:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin japonez, Akira Mizutani. (Kabineti i kryetarit, 13:30 - mediat mund të marrin pamje në fillim të takimit)