28 Mars 2024

Eurozona, rritja ekonomike e pandryshuar në tremujorin e katërt 2009

Bruksel, 8 prill - Aktiviteti ekonomik në zonën euro ka mbetur i pandryshuar në tremujorin e katërt të vitit 2009, njoftoi sot zyra evropiane e statistikave në vlerësimin e parë, duke rishikuar me rënie shifrat e komunikuara më parë.

Eurostat parashikonte deri tani një rritje të Prodhimit të Brendshëm Bruto PBB me 0,1 për qind në tremujorin e katërt, që ishte në ngadalësim të dukshëm pas një rritje të PBB-së me 0,4 për qind në tremujorin e tretë, kur zona euro doli nga recesioni.

Në detaje, eksportet janë rritur me 1,9 për qind në tremujorin e katërt, më pak se në tremujorin e tretë (+2,9 për qind). Rritja e importeve është ngadalësuar gjithashtu në +1,3 për qind pas +2,9 për qind në tremujorin e tretë.

Investimet kanë rënë edhe më tepër (-1,3 për qind pas -0,9 për qind në tremujorin e tretë). Konsumi ka mbetur i pandryshuar (pas -0,1 për qind në tremujorin e tretë).

Për të gjithë Bashkimin Evropian, Eurostati konfirmoi vlerësimin për një rritje prej 0,1 për qind në tremujorin e katërt.

Ai konfirmoi gjithashtu vlerësimet për të gjithë vitin 2009, kur aktiviteti pësoi një rënie prej 4,1 për qind në zonën euro dhe 4,2 për qind  në BE.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)