01 Shkurt 2023

Ekonomia gjermane kërkon më shumë të huaj të kualifikuar

Berlin, 19 tetor - Njerëzit udhëheqës të ekonomisë gjermane sërish kërkuan nga autoritetet të sigurojnë ardhjen më të madhe të të huajve të kualifikuar, në mes të debatit të ashpër për migrantët dhe integrimit të tyre në partitë gjermane. 


Ministri i Ekonomisë, Rajner Bruderle, ka deklaruar se Gjermania vitin e kaluar ka pësuar humbje prej 15 miliardë euro, për shkak të mungesës së fuqisë së kualifikuar punëtore. Sipas raporteve qeveritare, Gjermanisë i mungojnë rreth 36 mijë inxhinierë dhe 66 mijë ekspertë për kompjuterë.

Shefi i Lidhjes së industrisë gjermane, Hans Peter Kajtel, ka deklaruar se Gjermanisë brenda vitit i nevojiten mijëra inxhinierë të rinj ndërtimorë.

Kryetari i Institutit gjerman për hulumtime ekonomike, Klaus Cimerman ka vlerësuar se vendit brenda vitit i nevojiten së paku 500 mijë punëtorë të kualifikuar nëse dëshiron ta ruajë standardin dhe pozicionin e tanishëm në tregun botëror.

Sipas paralajmërimeve të Qeverisë gjermane, njëri nga hapat e parë për zgjidhjen e këtij problemi do të jetë përshpejtimi dhe thjeshtësimi i njohjes së diplomave të huaja.

Në Gjermani midis 300 dhe 500 mijë ardhacakë kanë kualifikime shumë më të larta se ato që kërkohen në vendet e punës në të cilat janë të punësuar. Nuk janë të rralla rastet kur mjekë me diploma të huaja punojnë si infermierë, ndërsa inxhinierë si mjeshtër të stërvitur në fabrikë

Kalendari

Ngjarjet e datës 1 shkurt 2023

- Ndërmarrja Publike Banesore, qiramarrësit, punëtorët e lokaleve dhe qytetarë të tjerë protestojnë për rritjen e çmimit të qirasë për lokalet në Prishtinë.  (Komuna e vjetër e Prishtinës, ora 9:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 9:30)
 
- Auditorja e Përgjithshme, Vlora Spanca do të shpalos gjetjet dhe rekomandimet e raporteve të auditimit: “Të hyrat nga qiraja në Agjencinë Kosovare të Privatizimit për periudhën 2012-2021”, si dhe “Funksionimi i sistemit të Grantit të Performancës Komunale dhe menaxhimi i projekteve të financuara nga donatorët për vitin 2021”. (Ambientet e Zyrës Kombëtare të Auditimit, ora 11:00)

- Komisioni për të Drejtat dhe Interesat e Komuniteteve dhe Kthim, formon grupin punues për hartimin e planit të punës së komisionit për vitin 2023. (Kuvendi i Kosovës, salla N302, ora 11:30)

- Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)