30 Janar 2023

Ekonomia e Bosnjës po përmirësohet

Sarajevë, 18 tetor - Situata ekonomike në Bosnjë filloi të përmirësohet, pas rënies prej 3,2 për qind në vitin 2009.

“Kjo e dhënë i mundësoi vendit të përdorë vetëm një pjesë të transhesë së ndihmës, të cilën e zhbllokoi FMN-ja. Rezervat tona devizore u stabilizuan dhe tani arrijnë 6,3 miliardë marka (3,2 miliardë euro), që është më shumë se niveli i dhjetorit të vitit 2009 – 6,2 miliardë marka”, deklaroi guvernatori i Bankës Qendrore, Kemal Kozariq.

Fondi Monetar Ndërkombëtar (FMN) publikoi se ka zhbllokuar 132,8 milionë euro ndihmë plotësuese për Bosnjën e Hercegovinën dhe njëherit i premtoi vendit transhenë e tretë dhe të katërt.

Linja e përgjithshme kreditore nga FMN-ja për BeH-në do të arrijë 379,4 milionë euro.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)