18 Gusht 2022

Dogana mbledh 400 milion euro të hyra për Buxhetin e Kosovës

Prishtinë, 13 gusht - Me datën 12 gusht Dogana e Kosovës ka arritur të tejkalojë parashikimet buxhetore dhe të mbledhë mbi 400 milion euro.  

Angazhimi maksimal i Doganës së Kosovës ka rezultuar që për herë të parë pas 11 viteve të themelimit të Doganës është arritur shifrën rekorde në mbledhje e të hyrave ne fillim të muajit gusht, respektivisht me datë 12 gusht janë mbledhur mbi 400 milion euro.

Krahasuar me vitin e kaluar, kjo paraqet një rritje të të hyrave,  sepse  në periudhën e njëjtë, të vitit 2009 Dogana kishte mbledhur 357,4 milion euro. Pra ka rritje prej 42,7 milion eurove pasi që deri tani kemi mbledhur saktësisht 400.123.658 milion.

Arsyet e kësaj rritje janë të ndryshme duke filluar nga rritja e kontrollës së qarkullimit të mallrave në tërë territorin e Kosovës, luftimin e kontrabandës në tërë territorin, aplikimin e metodave selektive, aplikimin e riskut si dhe rritjen e kontrolleve pas importuese.

Këto të hyra paraqesin 58% e planit buxhetor tonë prandaj deri në fund të vitit ne do të mbledhim mbi 700 milion euro për buxhetin e konsoliduar.

 

Kalendari

Ngjarjet e datës 18 gusht 2022

 - Mbahet seanca në rastin e falsifikimit të tenderit 800 mijë euro për rinovimin e objektit të PSRK-së ndaj të akuzuarit Tahir Sopa, përfaqësues i firmave “NBT ING SHPK” dhe “NPN Bajramaj”. (Pallati i Drejtësisë, ora 9:30)

- Komuna e Rahovecit mbant dëgjimi publik për buxhetin e vitit 2023 më bashkësit lokale, lagjet urbane dhe përfaqesues të shkollave. (Shtëpia e Kulturës 'Mensur Zyberaj' në Rahovec, ora 10:00)

- Bashkimi i Sindikatave të Pavarura të Kosovës mban konferencë për media e cila ndërlidhet me shpalljen e grevës së përgjithshme. (Zyrat e BSPK-së, ora 13:00)

- Fondacioni Shtatëmbëdhjetë organizon hapjen e programit Rezidenca 17. (Shtëpia e Hivzi Sulejmanit në lagjen Taslixhe, ora 18:00)