14 Gusht 2022

Dështon reforma bankare në SHBA

SHBA, 13 mars - Shanset për një reformë të plotë në sistemin e kontrollit bankar janë dëmtuar pasi dështuan bisedimet ne komisionin dy partiak në kongresin amerikan.

 

Për pasojë është vënë në rrezik prioriteti i parë i administratës Obama për reformë në këtë sektor dhe paralelisht dështimi u përkthye në fitime për aksionet bankare të cilat njohën rritje në bursën e Nju Jorkut.

Kryetari i komisionit parlamentar për bankat në senat Christopher Dodd paralajmëroi se koha për të kaluar reformën bankare për miratim gjatë këtij viti ka kaluar dhe se ai do të dalë më një propozim personal në ditën e hënë për ta paraqitur në senat përpara Pashkëve.

Edhe shumë analistë të tjerë kanë vënë në dyshim aftësinë e kongresit për të përmbushur punën e reformës bankare në këtë vit.

Presidenti obama ka presuar për realizimin e reformës rregullatore bankare në mënyrë që të parandalojë përsëritjen e krizave të likuiditetit, që shkaktoi edhe recensionin në amerikë.

Ndërkohë edhe vendet e tjera presin realizimin e kësaj reforme për të parë drejtimin e sistemit të ri të kontrollit bankar. Dështimi i bisedimeve për bankat ka shtuar listën e reformave të shtëpisë së bardhë që janë në pritje.

Dy kryesoret janë reforma në sistemin shëndetësor dhe reforma për ndryshimet klimaterike.

Përfaqësuesi i republikanëve në senat tha se ka shanse që të arrihet një marrëveshje kontrolli për bankat në mënyrë që të ruhet konkurrueshmëria e bankave amerikane dhe të mbrohen paratë e taksapaguesve.

Reforma e propozuar nga Obama do të zëvendësojë sistemin rregullator mbi bankat që është krijuar në vitet 30 të shekullit të kaluar menjëherë pas “Depresionit të Madh”.

Diferenca mes palëve qëndron në faktin se republikanët kërkojnë që reforma të garantojë që konsumatorët do të marrin produkte më të mira nga bankat ndërsa demokratët kërkojnë që reforma të garantojë sigurinë e konsumatorëve. 

Kalendari

Ngjarjet e datës 13 gusht 2022

- Lidhja Demokratike e Kosovës mban konferencë për medie. (Selia qendrore e LDK-së, ora 12:00)

- Nën përkujdesjen e kryetarit të Komunë së Gjilanit, Alban Hyseni do të bëhet rivarrimi i dëshmorit, Enver Pacolli nga varrezat civile në Hajvali në varrezat e dëshmorëve në Gjilan, për nder të ditëlindjes së tij. (Varrezat e dëshmorëve në Gjilan, ora 12:00)
 
- Mbahet dita e dytë e festivalit “Mal Fest” në Malishevë i cili synon të jetë tradicional dhe objektiv e ka rininë dhe mërgatën e Komunës së Malishevës. (Parku i qytetit në Malishevë, ora 19:00)

- - Në kuadër të Akademisë Verore ‘’Arbën Xhaferi" behët promovimi i librit "Teknologjia e Lajmit" e autort Zylyftar Bregu ku i pranishëm do të jetë edhe kryetari i Komunës së Vushtrrisë Ferit Idrizi poashtu Ambasadori i Shqipërisë, Qemal Minxhozi. (Kalaja e Vjetër e Vushtrrisë, ora 19:30)