03 Shkurt 2023

BQE: Perspektiva e Eurozonës, në rrezik

Bruksel, 16 tetor - Perspektiva e ekonomive të gjashtëmbëdhjetë vendeve të Eurozonës është në rrezik dhe ringjallja e tensioneve në tregjet financiare, paraqet ende shqetësim.

Një fakt i tillë citohet në buletinin e Bankës Qendrore Evropiane për muajin tetor, prej qindra faqesh, në të cilin nuk përmendet aspak tërheqja graduale pas masave të miratuara gjatë krizës.

Në këtë raport thuhet se gjatë vitit të ardhshëm, operacionet financiare të shumë vendeve të Eurozonës, duhet të reflektojnë angazhimin për të arritur një konsolidim fiskal ambicioz.

Banka Qendrore Evropiane, nxjerr më tej në pah angazhimin për të ndërmarrë plane veprimi shumë-vjeçare, me një veprim korrigjues të menjëhershëm, ambicioz dhe bindës.

Ndërsa në lidhje me kursin e këmbimit, pohohet se dollari është në rënie të lirë kundër juanit kinez dhe frangës zvicerane, duke shënuar arritje të reja, ndërsa për euron thuhet se po e merr veten ndaj tyre.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)