Sarajavë, 17 nëntor - Fondi Monetar Ndërkombëtar ka deklaruar sot se pret që ekonomia në Bosnje e Hercegovinë të nisë të rimëkëmbet gjatë vitit 2011.

Zyrtarë të FMN-së u kanë bërë thirrje autoriteteve të Sarajevës që të implementojnë me rigorozitet masat anti-krizë.

Masat në fjalë u propozuan nga vetë FMN, që nënshkroi një marrëveshje të posacme me qeverinë boshnjake.

Edhe zyrtarët e lartë të Bashkimit Evropian në Bosnje thanë se vendi është shumë prapa vendeve fqinje në miratimin e normave të BE-së.

Valentin Inzko, përfaqësues i BE-së në Bosnje, tha se vendi do të izolohet, neqoftese se serbët, kroatët dhe mylimanët e Bosnjes nuk punojnë së bashku për të zhvilluar një qeveri funksionale federale.

Austriaku Inzko, bëri këto komente në Vjenë, në 15 vjetorin e Marrëveshjes së Dejtonit, e cila i dha fund luftës etnike- konflikit më të dhunshëm evropian që nga Lufta e Dytë Botërore.