11 Gusht 2022

Borxhi i Serbisë arrin në 23 miliarë euro

Beograd, 13 prill - Borxhi i përgjithshëm i jashtëm i Serbisë u ngjit në 23 miliardë euro, por edhe përkundër kësaj, kreu shtetëror nuk mendon ta ngadalësojë huazimin e tepruar, paralajmërojnë ekspertët ekonomikë në Serbi.

Siç transmeton B92, vetëm gjatë 10 viteve të fundit borxhet e shtetit janë dyfishuar, ndërsa llogaritja e thjeshtë tregon se Serbia prej vitit 2000 deri sot në mesatare ka marrë borxh një miliardë euro, kështu që me 11,65 miliardë euro borxh të jashtëm, që e bën sektori publik dhe ai privat, arriti në 22,93 miliardë.

Sipas të dhënave më të reja të Bankës Popullore të Serbisë, borxhi i përgjithshëm i jashtëm i sektorit publik në Serbi nga fundi i shkurtit të këtij viti arrinte 7,5 miliardë euro, prej të cilës shumë borxhi shtetëror arrin 6,9 miliardë euro, ndërsa borxhi për të cilin janë lëshuar garanci arrin 603,5 milionë euro.

Krahasuar me sektorin publik, borxhi i sektorit privat është thuajse dyfish më i madh dhe arrin 13,1 miliardë euro, prej të cilës shumë më të mëdha janë borxhet e sipërmarrjeve 10,3 miliardë, përderisa borxhet e bankave arrijnë 2,7 miliardë euro. 

Kalendari

Ngjarjet e datës 11 gusht 2022

- Handikos organizon ceremoninë e shpërndarjes së 70 karrocave për personat me aftësi të kufizuara, donacion nga Izraeli, ku do të marrin pjesë ambasadorja e Izraelit, znj. Tammy Ziv, ministrja e Ministrisë për Punë të Jashtme dhe Diasporë,  znj. Donika Gërvalla dhe ministri i Administrimit të Pushtetit Lokal, Elbert Krasniqi. (Qendra e Resurseve për Personat me Aftësi të Kufizuara Adresa: Veternik, ora 10:00)

- Grupi i asamblistëve të Lëvizjes Vetëvendosje në Komunën e Prishtinës mban konferencë për media. (Selia qendrore e Vetëvendosjes, ora 11:00)

- Në qytetin e Vushtrrisë organizohet Akademia Verore "Arbën Xhaferi‘’ edicioni i II-të. (Kalaja e Vjetër të Vushtrrisë, ora 17:00)